Բահրեյնի քաղաքացին Հայաստանում. հանցագո՞րծ, թե՞ հալածյալ
January 10, 2016Հունվարի 1-ին «Զվարթնոց» օդանավակայանում ձերբակալվել է Բահրեյնի քաղաքացի Ֆադհել Ռադհին: Նա Ինտերպոլի միջոցով հետախուզվում է Բահրեյնի իշխանությունների կողմից։ Իրավապաշտպան մի շարք կազմակերպություններ Հայաստանի իշխանություններին կոչ են անում չարտահանձնել երիտասարդին՝ առանց համոզվելու, որ նրա նկատմամբ քաղաքական հետապնդում չի իրականացվում: Արաբական լրատվամիջոցները հաղորդում են, որ Ֆադհել Ռադհին ակտիվ մասնակցել է 2011-ի Արաբական գարնան ցույցերին, ինչի համար հետապնդվել է իր երկրի իշխանությունների կողմից: