0 8000 12 11

2016 թվականի մարտի 11-ին ռուսական 102-րդ ռազմաբազայի տարածքում տեղի ունեցավ Շիրակի մարզի ընդհանուր իրավասության դատարանի իններորդ արտագնա դատական նիստը՝ Ավետիսյանների ընտանիքի սպանության գործով:

Դատական նիստի սկզբում հարցաքննվեց դատակոչված վկա, սահմանապահ ջոկատի վարորդ Ռոմիկ Խաչատրյանը, որը գործի վերաբերյալ էական տեղեկություններ չհայտնեց:

Նախորդ դատական նիստին Ավետիսյանների իրավահաջորդների ներկայացուցիչների կողմից ներկայացված միջնորդության առնչությամբ, որով պահանջվել էր հարցաքննել նաև Վ. Պերմյակովի զորացրված ծառայակիցներին, Դատարանը դիմել էր ռուսական 102-րդ ռազմաբազայի հրամանատարությանը:

Ռազմաբազայից պատասխան գրությամբ հայտնել էին, որ զորացրված զինծառայողների վերաբերյալ որևէ տեղեկատվության ռազմաբազան չի տիրապետում:

Ապացույցների հետազոտման փուլում ուսումնասիրվեցին գործում առկա փաստաթղթերը: Առաջին երեք հատորները ուսումնասիրելուց հետո Վ. Պերմյակովի ինքնազգացողությունը վատացավ, որից հետո Դատարանը ընդմիջում հայտարարեց:

Ավելի ուշ Դատարանը հայտնեց, որ դատական նիստը հետաձգվում է:

Ավետիսյանների սպանության գործով Շիրակի մարզի ընդհանուր իրավասության դատարանի հաջորդ արտագնա դատական նիստը նշանակված է 2016 թ. մարտի 18-ին՝ ժամը 12:00-ին:

Ներբեռնել