«Արաբկիր» ԲԿ-ում 2013 թ.-ին մահացած Լիա Միսակյանի իրավահաջորդի՝ փոխհատուցման պահանջով հայցի քննությունը կշարունակվի
18:32, July 27, 2017 | Մամլո հաղորդագրություններ | Լիա Միսակյան
Տեղեկացնում ենք, որ 2017 թ. հուլիսի 28-ին՝ ժամը 11:30-ին, Կենտրոն և Նորք-Մարաշ վարչական շրջանների ընդհանուր իրավասության դատարանում կշարունակվի «Արաբկիր» բժշկական կենտրոնում 2013թ. մահացած 2 տարեկան, 3 ամսական Լիա Միսակյանի իրավահաջորդի՝ նյութական ու բարոյական վնասի փոխհատուցման պահանջով հայցի քննությունը:
Դրանով Գ. Միսակյանը և նրա ներկայացուցիչներ, ՀՔԱ Վանաձորի գրասենյակի փաստաբաններ Արայիկ Զալյանն ու Անի Չատինյանը պահանջում են «Արաբկիր բժշկական համալիր-երեխաների և դեռահասների առողջության ինստիտուտ» ՍՊԸ-ից և Արաբկիր ԲԿ-ի բժիշկներ Լ. Վարդանյանից ու Զ. Այվազյանից բռնագանձել 15.000.000 ՀՀ դրամ որպես բարոյական վնասի և 1.690.000 ՀՀ դրամ՝ որպես նյութական վնասի փոխհատուցում:
Նախորդ դատական նիստը հետաձգվեց հայցվոր կողմին՝ հայցադիմումի պատասխանին ծանոթանալու հնարավորություն տալու նպատակով: