Արշավներ
Լոբբին և արշավը շահերի պաշտպանության իրականացման միջոցներ են, որոնք կոնկրետ խնդիրների ուղղված պլանավորված գործողություններ են և նպատակ ունեն ազդելու որոշումների կայացման գործընթացի վրա համախոհների մոբիլիզացման, հասարակության իրազեկության բարձրացման, խնդիրների հանրայնացման, պետական պաշտնոյաների ուշադրությունը բարձրացված խնդիրների վրա հրավիրելու միջոցով:
Իր հիմնադրման օրվանից սկսած ՀՔԱ Վանաձորի գրասենյակն իրականացնում է շահերի պաշտպանությանն ուղղված մի շարք միջոցառումներ (ցույցեր, մամլո հաղորդագրություններ, ասուլիսներ, հոդվածներ, մեդիա արշավներ, ռազմավարական դատավարություններ, կլոր սեղան-քննարկումներ, դասընթացներ, հանդիպում-քննարկումներ որոշում կայացնողների հետ (ԱԺ պատգամավոր,ավագանու անդամ) և այլն):
Related events
-
ՀՔԱ Վանաձորի գրասենյակը միացել է Ֆաշիզմի և հակասեմիտիզմի դեմ համաշխարհային օրվա շրջանակում կազմակերպված տեղեկատվական արշավին
November 9, 2017
Ամեն տարի UNITED ազգայնականության, ռասիզմի, ֆաշիզմի դեմ և գաղթականների ու փախստականների աջակցության Եվրոպական ցանցն անցկացնում է թեմատիկ տեղեկատվական արշավներ։ Այս տարի դրա շրջանակում «Այլևս երբեք» խորագրով պաստառների մրցույթին մասնակցել է նաև ՀՔԱ Վանաձորի գրասենյակում Եվրոպական կամավորական ծառայության (EVS) կամավոր Էվա Յաշկովան։
