0 8000 12 11

2009թ. հունվարի 27-ին Հելսինկյան Ընկերակցություն և Հելսինկյան Քաղաքացիական Ասամբլեայի Վանաձորի գրասենյակ հասարակական կազմակերպությունները հայտարարություն են ուղարկել Եվրոպայի խորհրդի մարդու իրավունքների հանձնակատար Թոմաս Համմերբերգին:

2009թ. հունվարի 15-17-ը Հայաստան այցելեցին Եվրոպայի խորհրդի մոնիտորինգային հանձնաժողովի հատուկ զեկուցողներ Ժորժ Կոլումբիեն և Ջոն Պրեսկոտը, ովքեր հանդիպեցին միայն իշխանության ներկայացուցիչների հետ: Այցելությունից հետո ներկայացրեցին իրենց եզրակացությունները Հայաստանում մարտի 1-2 դեպքերի վերաբերյալ 1609 և 1620 բանաձևերի կատարման ընթացքի մասին մոնիտորինգի հանձնաժողովի նիստին` 2009թ. հունվարի 26-ին, որի արդյունքում 2008թ. դեկտեմբերի 22-ին կայացած մոնիտորինգի հանձնաժողովի նախնական եզրակացության մեջ կատարվեցին մի շարք փոփոխություններ, որոնց արդյունքում նախնական որոշված է Հայաստանի դեմ չկիրառել պատժամիջոցներ:

Մենք հայտարարում ենք, որ 1609 և 1620 բանաձևերի ոչ մի կետ չի կատարվել ՀՀ իշխանությունների կողմից`

• Չի բացահայտվել 10 զոհերի ոչ մի դեպք, ավելին` ոստիկանության կողմից կիրառված հատուկ միջոցների օգտագործմամբ մահացած 3 անձանց իրավահաջորդները որպես տուժող ներգրաված են 7-ի գործով ընթացքող դատավարության մեջ:

• Շարունակվում են անօրինկան դատավարությունները, մասնավորապես` Սմբատ Այվազյանի դատավարությունը անցնում է առանց ամբաստանյալի:

• Կալանավայրերում քաղաքական հայացքների համար դատապարտված և կալանավորվածների նկատմամբ բռնության դեպքերը չեն բացահայտվում:

• Շարունակվում են բռնությունները դատական նիստերը լուսաբանող լրագրողների հանդեպ:

• Շարունակվում են հրապարակային միջոցառումներին մասնակցող քաղաքացիների նկատմամբ բռնությունները:

• Շարունակվում են ազատազրկված մնալ անձիք, որոնք մեղավոր են ճանաչվել միայն ոստիկանների տված ցուցմունքների հիման վրա:

• Ճնշումներ են գործադրվում վկանների վրա, որոնք դատապարտվում են:

• Ճնշումների են գործադրվում քաղաքական հայացքների համար դատապարտված անձանց նկատմամբ ներման խնդրագրեր ստանալու նպատակով: Ներում ստացած անձիք հիմնականում կապ չունեն ընդդիմության հետ:

• Շարունակվում են ճնշումները այլախոհության համար` անձիք հեռացվում են աշխատանքից, տեղի է ունենում բիզնեսի կասեցում:

• Օրենքի մեջ միտումնավոր կատարվել են փոփոխություններ, որոնց հետևանքով չի վերականգնվում Ա1+ հեռուստաընկերության գործունեությունը` անգամ Եվրոպական դատարանի որոշումից հետո:

• Հանրային ռադիո և հեռուստաընկերությունը շարունակվում է փակ և անհասանելի մնալ ընդդիմադիր քաղաքական գործիչների համար:

Վերնշյալյալ փաստրը խոսում են այն մասին, որ ՀՀ իշխանությունները չեն կատարվում ԵԽԽՎ 1609 և 1620 բանաձևերի պահանջները, և որևէ կամք չեն դրսևորում ժողովրդավարական բարեփոխումներ կատարելու համար:

Նման պայմաններում ՀՀ իշխանությունների նկատմամբ պատժամիջոցներ չկիրառելը գնահատում ենք անգործություն Եվրոպայի խորհրդի կողմից, և 1 քայլ ետ իր իսկ կողմից հռչակած ժողովրդավարության և մարդու իրավունքների սկզբունքներից:

Դիմում ենք ԵԽԽՎ բոլոր այն պատգամավորներին, որոնց համար ժողովրդավարությունը և մարդու իրավունքները սոսկ խոսքեր չեն, չտրվել Պրեսկոտի և Կոլումբիեի միակողմանի գնահատականներին և ուժի մեջ թողնել մոնիտորինգային խմբի դեկտեմբերի 22-ին ընդունած փաստաթուղթը, որը նախատեսում էր ՀՀ պատվիրարկության զրկել քվերկելու իրավունքից:

Ձեզնից է կախված Եվրոպայի խորհրդի` որպես ժողովրդավարության և մարդու իրավունքների սկզբունքները դավանող կառույցի իմիջի պահպանումը:

Հելսինկյան Ընկերակցություն

Հելսինկյան Քաղաքացիական Ասամբլեայի Վանաձորի գրասենյակ