Եթե սպան է բողոքում, ուրեմն պատկերացրեք, թե ինչ է կատարվում. Արթուր Սաքունց
14:06, July 19, 2012 | Նորություններ | Զինված ուժերՀելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը պատրաստվում է անձնական էլեկտրոնային փոստով անանուն սպայի կողմից ստացած նամակը, որտեղ վերջինը բողոքում է ՀՀ ԶՈՒ ԳՇ պետ Յուրի Խաչատուրովի որդու` 3-րդ բանակային կորպուսի հրամանատարի տեղակալ Գրիշա Խաչատուրովի և նրա «ախպերների» գործողություններից, խոսում նրանց կողմից գործադրվող ճնշումների և առհասարակ 3-րդ բանակային կորպուսի զորամասերում տիրող իրավիճակի մասին:
«Նամակում խոսվող կամայական վերանշանակումների մասին ես տեղյակ էի, մնացած մանրամասնություններին չէի տիրապետում: Իրավիճակն իսկապես մտահոգիչ է, եթե սպան է բողոքում, ուրեմն պատկերացրեք, թե ինչ է կատարվում, պատկերացրեք զինվորի վիճակը: Ես կասկած չունեմ, որ գրողը սպա է, որովհետև շարքային զինվորը դժվար իմանար վերանշանակումների մասին, եթե մի պահ ենթադրենք, որ անմիջական գրողը սպա չէ, ապա ինֆորմացիայի աղբյուրը հաստատ սպա է եղել», – HayNews.am-ի հետ զրույցում նշեց Հելսինկյան քաղաքացիական ասամբլեայի Վանաձորի գրասենյակի ղեկավարը:
Աղբյուրը՝ http://www.haynews.am/hy/1342703615