0 8000 12 11

 

Այս քայլով Սահմանադրական դատարանը ցույց է տալիս, որ նախագահի ինստիտուտի կցորդն է: Araratnews.am-ի հետ զրույցում ասաց «Հելսինկյան քաղաքացիական ասամբլեայի» Վանաձորի գրասենյակի ղեկավար Արթուր Սաքունցըˋ անդրադառնալով այսօր ՍԴ-ի կողմից Ռուսաստանի եւ Հայաստանի միջեւ գազային երեք համաձայնագրերը սահմանադրական ճանաչելուն:

«Բոլոր միջազգային պայմանագրերը եւ համաձայնագրերը պետք է ներկայացվեն ԱԺ-ում քննարկման եւ հաստատման: Սահմանադրական դատարանը, նշանակում է, կանխորոշել կամ փոխարինել է օրենսդիր մարմնին: Այսինքն սահմանադրական մարմինը թույլ չի տվել, որ օրենսդիր մարմինը իրականացնի իր լիազորությունները եւ խախտվել են պատգամավորների իրավունքները»,- ասում է Սաքունցը:

Նրա խոսքով, պատգամավորները պետք է դիմեն Սահմանադրական դատարանˋ իրենց իրավունքները պաշտպանելու համար:

«Այսինքն այսօր իրավական беспредел-ը հասել է իր գագաթնակետին: Համաձայնագրերի ճանաչումը ՍԴ-ի կողմից օրենքից դուրս է, քանի որ սրանով ինքը խախտում է երկրի Սահմանադրության  նորմերը: ՍԴ-ն ՀՀ-ում մասնակից է սահմանադրական կարգի կազմալուծմանը»,- ասում է Սաքունցը:

Աղբյուրը՝ http://araratnews.am/իրավական-беспредел-ը-հասել-է-իր-գագա