0 8000 12 11

2012 թ. դեկտեմբերի 7-ին Հելսինկյան Քաղաքացիական Ասամբլեայի Վանաձորի գրասենյակի նախագահ Արթուր Սաքունցը ոստիկանության անօրինականությունների վերաբերյալ ահազանգ է ստացել Տավուշի մարզի Հաղարծին գյուղի բնակչից:

ՀՔԱ Վանաձորի գրասենյակի աշխատակիցները հանդիպել են նույն գյուղի բնակիչ Լ.Գ-ի հետ, ով ներկայացրել է ողջ իրողությունը:

Ըստ Լ.Գ-ի` 2012 թ. դեկտեմբերի 5-ի երեկոյան` ժամը 17:00-ին, ոստիկանները գնացել են իրենց տուն խուզարկություն իրականացնելու նպատակով: Խուզարկություն կատարելուց և ոչինչ չհայտնաբերելուց հետո իրեն և իր ամուսնուն տարել են Դիլիջանի ոստիկանական բաժին որպես վկա հարցաքննելու համար:

Դիլիջանի ոստիկանության բաժնում հարցաքննությունից հետո ոստիկանները երեկոյան ժամը 22:00-ին իրեն ուղեկցել են ոստիկանության Ախուրյանի բաժին: Հաջորդ օրը` առավոտյան 10:30-ին, վարչության պետը հայտնել է, որ ինքը ազատ է, իսկ եղածը թյուրիմացություն է:

Փաստորեն, ոստիկանության աշխատակիցների կողմից անբարեխիղճ վերաբերմունքի պատճառով քաղաքացին 12 ժամ զրկված է եղել ազատությունից: