0 8000 12 11

Օրերս պաշտոնից ազատվել և պահեստազոր են ուղարկվել Պաշտպանության նախարարության 10 գնդապետներ: «Առաջին լրատվական»– ի հետ զրույցում անդրադառնալով այս պաշտոնանկություններին՝ իրավապաշտպան Արթուր սաքունցը նշեց, որ տարօրինակ քայլ է միաժամանակ 10 գնդապետի թոշակի ուղարկելը: «Կարծում եմ, որ դա կապված է այն հնարավոր անհամաձայնությունների հետ, որ կարող են ունենալ տվյալ մարդիկ՝ կապված ղարաբաղյան խնդրի շուրջ բանակցությունների հետ: Սրանք այն մարդիկ են, ովքեր սկզբունքորեն համաձայն չեն երկրի քաղաքական ղեկավարության հետ, և համակարգում վերահսկողությունը պահպանելու համար նրանց ուղղակի պահեստազոր են ուղարկել: Այս մարդկանց խումբը կապ չունի ապրիլյան իրադարձությունների հետ, կապ չունի Սասնա ծռեր»- ի և ներքին քաղաքական խնդիրների հետ, այս պաշտոնանկությունները կապված են ղարաբաղյան խնդրի շուրջ բանակցությունների հետ»:

«Ամեն գնդապետը հիմա ոսկու գին ունի, բայց 10 գնդապետ հեռացրին»,- անդրադառնալով պաշտոնանկություններին՝ ասաց քաղքագետ Աղասի Ենոքյանը: Նրա խոսքով՝ «Սասնա ծռեր»- ը ցույց տվեցին քաղաքական լուծումների այլընտրանք. «Ս. Սարգսյանը պատկերացնում էր, որ կան կուսակցություններ, խնդիրները լուծվում են կուսակցությունների միջցով դրա համար նրանց պետք է հավաքել, մի մասին դնել գրպանը, մյուս մասին ինչ-որ բան խոստանալ, երրորդներին վախեցնել և դրանով իսկ քաղաքական բոլոր հարցերը լուծվում են: «Սասնա ծռեր»- ը ցույց տվեցին այլընտրանքային ճանապարհ և այդտեղից առաջանում է սպառնալիք, որ այլընտրանքային ճանապարհ կարող են ցույց տալ նաև այլ զինվորականներ: Ըստ էության Ս. Սարգսյանը փորձում է իր ընդդիմախոսներին վերացնել դաշտից:

Բանախոսների դիտարկմամբ՝ ՊՆ սպաներին պաշտոնից ազատելով՝ Ս. Սարգսյանը խաղից հանում է նրանց, ովքեր այլ կարծիք ունեն:

Ա. Սաքունցի խոսքով՝ Ս. Սարգսյանը չի հանդուրժում որևէ ընդդիմություն, ամեն ինչ անում է իր բացարձակ մենիշխանությունն ապահովելու համար՝ քաղաքական դաշտը ավերելու, պաշտպանության համակարգը ոչնչացնելու գնով. սա լուրջ մարտահրավեր է:

Պաշտոնանկ արված գնդապետերը պետք է հանդես գան որպես սովորական քաղաքացիներ, չպետք է լռեն,- նշեց իրավապաշտպանը,- թողնում են միայն «Սասնա ծռեր»- ի ճանապարհը, բայց չենք կարող թույլ տալ ևս մեկ «Սասնա ծռեր» օպերացիա:  Պարոնայք գնդապետները, ունենալով բավականին լուրջ տեղեկություններ և բավականին մեծ պատասխանատվության զգացում, պետք է անպայման հրապարակային հանդես գան և իրենց դիրքորոշման ու մտահոգությունների մասին հայտնեն»:

Աղբյուրը՝  www.1in.am