0 8000 12 11

2012 թ.  ՀՔԱ Վանաձորի գրասենյակում տեղի ունեցավ հանդիպում ԱՄՆ-ի Կանզաս նահանգի սենատոր Քրիս Ստայնեգերի հետ:

Չորս անգամ պատգամավոր ընտրված Քրիս Ստայնեգերը հանդիպման ընթացքում խոսեց ընտրական գործընթացների վերաբերյալ:

Ներկայացնելով իր կենսագրությունը՝ նա նշեց, որ երիտասարդ տարիքից հետաքրքրված է եղել քաղաքականությամբ, քանի որ հայրը եղել է տեղական նահանգային սենատոր: Մայրը շատ ակտիվ անձնավորություն է եղել և կամավորական աշխատանքներ է իրականացրել տարբեր կազմակերպություններում:

Երիտասարդ տարիքում եղել է ուսանողական խորհրդի անդամ: Երեսուն տարեկանում առաջադրվել է սենատոր և հաջողության հասնելու համար շատ դաժանակիր աշխատանք է տարել, չորս ամիս թակելով բոլոր դռները:

Երկար տարիներ եղել է Դեմոկրատական կուսակցության անդամ, իսկ 2010 թ. դուրս է եկել և անդամագրվել Հանրապետական կուսակցությանը: Իր գաղափարախոսությամբ կիսով չափ դեմոկրատ է, կիսով չափ՝ հանրապետական:

Լինելով սենատոր՝ զբաղվում է նաև փոքր բիզնեսով:

Հանդիպման ընթացքում մասնակիցները հնարավորություն ունեցան նաև իրենց հուզող հարցերը ուղղել սենատոր Քրիս Ստայնեգերին, որոնք հիմնականում վերաբերում էին մարդու իրավունքներին, ընտրական իրավունքներին և կոռուպցիային: