0 8000 12 11

ՀՀ Վերաքննիչ դատարանը մերժեց ՀՔԱ Վանաձորի գրասենյակի բողոքը` հիմնավորելով Վարչական դատարանի եզրահանգումն այն մասին, որ. «Դիտորդը որևէ իրավական ակտով իրավասու չէ պահանջելու, որպեսզի ՀՀ ոստիկանությունը միջոցներ ձեռնարկի իր կողմից արձանագրված խախտումների ուղղությամբ… Ամբողջ վերոգրյալից պարզ է դառնում, որ դիմող կազմակերպությունը ներկայացված հայցով դատարանի քննությանն է ներակայացրել այնպիսի հարց, որն ուղղակիորեն չի առնչվում իր սուբյեկտիվ իրավունքներին»:

Հիշեցնենք, որ ՀՔԱ Վանաձորի գրասենյակը հայցադիմում էր ներկայացրել ՀՀ վարչական դատարան` 2013 թ. փետրվարի 18-ի նախագահական ընտրությունների ժամանակ ՀՀ ոստիկանության գործողությունները (անգործությունը) ոչ իրավաչափ ճանաչելու պահանջի մասին: ՀՔԱ Վանաձորի գրասենյակը ՀՀ Նախագահի 2013 թ. փետրվարի 18-ին կայացած ընտրությունների ժամանակ իրականացնելով դիտորդական առաքելություն և ՀՀ ոստիկանությանը ներկայացնելով մի շարք դիմումներ արձանագրված ընտրախախտումների վերաբերյալ` խնդրել է ոչ իրավաչափ ճանաչել ՀՀ ոստիկանության այդ գրությունների առնչությամբ դրսևորած ենթադրյալ անգործությունը:

ՀՀ վարչական դատարանը մերժել է հայցադիմումի ընդունումը, պարզաբանելով, որ ներկայացված հայցը վարչական դատարանում ենթակա չէ քննության, քանի որ դատարանն իրավասու չէ քննարկելու ՀՀ ոստիկանույան այն ակտերի իրավաչափության հարցերը, որոնք չեն առնչվում դիմողի սուբյեկտիվ իրավունքներին:

Համաձայն չլինելով դատարանի որոշման հետ, կազմակերպությունը ներկայացրել էր վերաքննիչ բողոք, գտնելով, որ դատարանը խախտել կամ սահմանափակել է իր դատարան դիմելու և լսված լինելու իրավունքը:

Վերաքննիչ դատարանը մերժել է բողոքը և մատնանշել, որ դիտորդական առաքելության նպատակն ընտրական գործընթացների վերաբերյալ հավաստի տեղեկություննրի հավաքումն է և դրանց հիման վրա անկախ եզրակացության կազմումը:

Կից ներկայացվում է ՀՀ վերաքննիչ դատարանի որոշումը: