0 8000 12 11

Տեղեկացնում ենք, որ 2016 թվականի հունիսի 2-ին՝ ժամը 13:30-ին, Արմավիրի մարզի ընդհանուր իրավասության դատարանի Էջմիածնի նստավայրում տեղի կունենա 2015 թ. հունիսի 16-ին Արմավիրի բժշկական կենտրոնում մահացած չորս տարեկան Կարինե Հովհաննիսյանի գործով հերթական դատական նիստը:

Հիշեցնենք, որ դեպքի առթիվ հարուցված քրեական գործի շրջանակներում Արմավիր ԲԿ ինֆեկցիոն բաժանմունքի վարիչ Ա. Պ.-ին մեղադրանք է առաջադրվել Քրեական օրենսգրքի 130-րդ հոդվածի 2-րդ մասով (բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է բուժվող հիվանդի մահ):

Դատարանի որոշմամբ՝ ամբաստանյալի մասնակցությամբ երկու քրեական գործերը քննվում են մեկ վարույթում:

Հիշեցնենք, որ նախորդ դատական նիստին Էրիկ Ամիրխանյանի իրավահաջորդի ներկայացուցչի կողմից քաղաքացիական հայց ներկայացվեց՝ ընդդեմ Ա. Պետրոսյանի՝ նյութական վնասի փոխհատուցման պահանջով, որին ծանոթանալու նպատակով պաշտպանական կողմը միջնորդեց հետաձգել դատական նիստը: