Կրեմլի քաղաքական ավանտյուրայի համար վճարում են տարածաշրջանի ժողովուրդները
11:32, April 2, 2016 | Այլ լրատվամիջոցներ, Նորություններ
Հակամարտող կողմերին միլիարդավոր դոլարների հասնող զենք ու սպառազինություն մատակարարող, վաճառող պետությունը զսպվածության կոչ է անում…Աննախադեպ ցինիզմ!! Բայց գլխավոր հարցը` ինչում է կոնֆլիկտը թեժացնողի շահը…Ուկրաինայում, Սիրիայում մատնվելով փաստացի անհաջողության` իրավիճակի լիարժեք տիրապետման տեսակետից, փորձում է ռևանշի հասնել Լեռնային Ղարաբաղում…
Եվ այս ամենը կատարվում է Ս.Սարգսյանի և Ի.Ալիևի ԱՄՆ այցելության ժամանակահատվածում, ԵՄ-ի բարձրաստիճան պաշտոնյայի տարածաշրջան` Թբիլիսի, Բաքու, Երևան այցից հետո, մասնավորապես ԵՄ-ՀՀ բանակցությունների վերսկսման ներկա փուլում: Կրեմլը չի հանդուրժում իր հպատակների որևէ ինքնուրյուն քայլ, հատկապես այդ, թեկուզ ձևական, բայց ինքնուրյուն քայլերը չեն տեղավորվում իր աշխարհաքաղաքական խաղերի տրամաբանության մեջ: Եվ ով է վճարում այս բոլոր գեոպոլիտիկ խաղերի համար` զինվորը, որը պետք պաշտպանվի և պաշտպանի. ..!! Կրեմլի քաղաքական ավանտյուրայի համար վճարում են տարածաշրջանի ժողովուրդները, քաղաքացիները` “բաժանիր, որ տիրես” խաղին հպատակվող` խղճուկ, սեփական ժողովրդի, քաղաքացիների առջև անպատասխանատու քաղաքականություն վարողները…