Նարինե Ավետիսյանի լրագրողական մասնագիտական գործունեությունը խոչընդոտելու գործով դատավորին ինքաբացարկ կհայտնեն․ լրացված
18:38, May 17, 2018 | Մամլո հաղորդագրություններ
Տեղեկացնում ենք, որ 2018 թ. մայիսի 18-ին՝ ժամը 15:00-ին, Լոռու մարզի ընդհանուր իրավասության դատարանում կշարունակվի «Լոռի» հեռուստաընկերության գլխավոր խմբագիր Նարինե Ավետիսյանի լրագրողական մասնագիտական գործունեությունը խոչընդոտելու գործի քննությունը, որի ընթացքում տուժող կողմը դատավորին ինքնաբացարկ կհայտնի:
Հիշեցնենք՝ դեպքը տեղի է ունեցել 2017 թ. սեպտեմբերի 28-ին Վանաձոր քաղաքի Սուրբ Աստվածածին եկեղեցու հարակից կամրջի վրա, երբ Նարինե Ավետիսյանը փորձել է նկարահանել հորդառատ անձրևի տակ իրականացվող ասֆալտապատման աշխատանքները:
Նրա իրավունքների պաշտպանությունն ստանձնել են ՀՔԱ Վանաձորի գրասենյակի նախագահ Ա. Սաքունցն ու Կազմակերպության փաստաբան Ս. Սողոմոնյանը:
Վ. Խաչատրյանն ու Տ. Նազարյանը մեղադրվում են ՀՀ Քրեական օրենսգրքի 164 հոդվածի 1-ին մասով նախատեսված արարք կատարելու մեջ (Լրագրողի մասնագիտական օրինական գործունեությանը խոչընդոտելը):
Լրացում։ Ավելի ուշ դատարանից տեղեկացրին, որ նախապես նշանակված դատական նիստը չի կայանալու։