«Հիմնադիր խորհրդարանի» անդամ Հովհ. Ղազարյանը ևս 2 ամիս կմնա կալանքի տակ
17:21, September 23, 2016 | Նորություններ, Սեփական լրատվություն | Սասնա Ծռեր
ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը 2016 թ. սեպտեմբերի 23-ին բավարարեց «Հիմնադիր խորհրդարանի» անդամ Հովհ. Ղազարյանի կալանքի ժամկետը երկարաձգելու քննիչի միջնորդությունը:
Դատարանի որոշմամբ՝ Հովհ. Ղազարյանի կալանքի ժամկետը երկարաձգվեց երկու ամսով:
Հիշեցնենք՝ վերջինս կալանավորվել է «Սասնա Ծռեր» խմբավորման կողմից 2016 թ. հուլիսի 17-ին ՀՀ Ոստիկանության ՊՊԾ գնդի գրավումից հետո տեղի ունեցած զանգվածային անկարգությունների ընթացքում ոստիկանության աշխատակիցների նկատմամբ բռնություն գործադրելու մեղադրանքով: