Գագիկ Եղիազարյանին և մյուսներին ոստիկանություն են տարել
16:33, June 25, 2016 | Այլ լրատվամիջոցներ, Նորություններ
Գագիկ Եղիազարյանին և մյուսներին ոստիկանություն են տարել այսօր ժամը 18-ին Հանրապետության Հրապարակում նախատեսված Ֆլեշմոբին նրանց հավանական մասնակցությունը խափանելու նպատակով:
Քիչ առաջ Գագիկ Եղիազարյանի ընտանիքի անդամներից տեղեկացանք, որ կեսօրին Մասիս քաղաքում գտնվող նրա տուն են այցելել ոստիկանության ծառայողներ և ծանուցագիր են ներկայացրել Մասիսի ոստիկանության բաժին ներկայանալու համար: Ծանուցագիրը կազմված է օրենքի խախտմամբ: Ծանուցագրում նշված է, որ անհայտ անձի ներկայացրած ահազանգով հարուցված քրեական գործով են նրան հրավիրում ոստիկանության բաժին: Իրականում Գագիկ Եղիազարյանին և մյուսներին ոստիկանություն են տանում այսօր ժամը 18-ին Հանրապետության Հրապարակում Հռոմի պապի այցի շրջանակներում կազմակերպված միջոցառման ժամանակ Հայաստանում քաղբանտարկյալների առկայության մասին հիշեցնող Ֆլեշմոբին նրանց հավանական մասնակցությունը խափանելու նպատակով: Մեր տեղեկություններով՝ նրանք գտնվում են Ոստիկանության Մաշտոցի բաժնում:
Տիգրան Մազմանյանն էլ հայտնում է, որ իրեն բերման են ենթարկել Սայաթ-Նովա փողոցից և տանում են Ոստիկանության Քանաքեռ-Զեյթունի բաժին:
https://www.facebook.com/hovokazaryan/posts/1089222194504986?__mref=message_bubble