Հայաստանում Ռուսաստանին բարեկամ համարողների շարքում ԵՄ և ԵՏՄ կողմնակիցների թիվը հավասար է. հետազոտություն
16:53, September 27, 2017 | Այլ լրատվամիջոցներ, Նորություններ
Հայաստանում Ռուսաստանին բարեկամ երկիր համարող անձանց թվում Եվրամիության ու ԵՏՄ կողմնակիցների թիվը համարյա հավասար է: Այս մասին այսօր հրավիրած ասուլիսում ասաց Հելսինկյան քաղաքացիական ասամբլեայի Վանաձորի գարսենյակի ղեկավար Արթուր Սաքունցը՝ ներկայացնելով «Դեպի Հյուսիս, թե՞ Արևմուտք դիրքորոշումներ» հետազոտության արդյունքները:
«Այսինքն՝ տեղի է ունեցել որակական փոփոխություն նույնիսկ աջակիցների մասով: Դա նշանակում է բեկումնային ինչ-որ փոփոխություն է տեղի ունեցել կողմնակիցների ընկալման մեջ, որ նույնիսկ Ռուսաստանին կողմ ըլլալով, դա դեռ չի նշանակում, որ կողմ են Եվրաիսական տնտեսական միությանը»,- ասաց նա:
Սաքունցի խոսքով՝ նույն դինամիկան նկատելի չէ ԵՄ կողմնակիցների դեպքում, ինչը շատ կարևոր է: Հանրային ընկալման մեջ, ըստ նրա, ԵՏՄ-ն չի ընկալվում որպես այնպիսի համակարգ, ինչպես Եվրամիությունն է ընկալվում: Սա, ըստ իրավապաշտպանի, փաստում է, որ ԵՏՄ-ն՝ որպես ինստիտուտ, չկա հանրային ընկալումներում:
Ըստ նրա՝ ելնելով այս հետազոտության տվյալներից՝ կարելի է պնդել, որ Եվրամիության հետ նոր շրջանակային համաձայնագրի ստորագրումը հիմնված է ոչ թե իշխանությունների բարի ցանկության վրա, այլ ունի բավական լուրջ հանրային բազա: Սաքունցի խոսքով՝ հանրության զգալի մասը իշխանություններից կոնկրետ պահանջներ ունի, որը պայմանավորում է Եվրամիության հետ ավելի ակտիվ համագործակցությամբ:
«Այդ հանրային բազան չի հանդիսանում իշխանության բազա: Այսինքն՝ կա երկու Հայաստան, մեկը հանրային, որն ունի ակնկալիքներ ու իշխանության նկատմամբ պահանջներ, երկրորդը՝ դա իշխանությունն է, որը Եվրամիության համաձայնագրին մոտենում է ոչ բովանդակային: Սա շատ հետաքրքիր իրավիճակ է, և կփոխվի՞ արդյոք իրավիճակը, մեծապես կախված է նրանից, թե իշխանությունը կբավարարի հանրային ակնկալիքները՝ պետական քաղաքական ինստիտուտների բարեփոխման տեսակտեից, որոնց կրողները հենց Եվրամիության կողմնորոշվածներն են: Եթե դա չբավարարվի, ուրեմն Հայաստան-ԵՄ համաձայնագիրը կդաձնա հերթական ձևական փաստաթուղթը, և մենք կունենանք կամ միգրացիոն հերթական հոսքը, կամ կունենանք լուրջ խնդիրներ: Իմիտացիան շատ թանկ կարժենա, որովհետև պահանջների բազան շատ ավելի լուրջ է, քան իշխանությունները պատկերացնում են»,- ասաց Սաքունցը: