«Չկա որևէ հիմնավորում, թե ինչու պետք է անձամբ Սերժ Սարգսյանն ու իր կոալիցիոն կուսակցությունը շարունակի կառավարել ՀՀ-ն ». Ա. Սաքունց
15:54, January 30, 2018 | Այլ լրատվամիջոցներ, Նորություններ
Ավելի ու ավելի ակնհայտ է, որ չկա որևէ, գեթ մի հիմնավորում, գեթ մեկ փաստարկ Սերժ Սարգսյանի կողմնակիցների՝ ՀՀԿ, ՀՅԴ, մնացած կուսակցությունների, տարատեսակ վերլուծաբանների ու մեկնաբանների կողմից, թե ինչու պետք է անձամբ Սերժ Սարգսյանն ու իր կոալիցիոն կուսակցությունը շարունակի կառավարել ՀՀ֊ն։
Ոչ թե պետության զարգացման վերաբերյալ ինչ-որ գաղափար, ծրագիր կամ ինչ-որ միտք են ներկայացնում, որ գնահատես, կամ մերժես, կամ համաձայնվես կամ ընդունես, կամ հերքես։
Ուղղակի չկա, միայն պրոպագանդիստական ժանրի ընդհանուր խոսքեր, նախադասություններ, որոնք ոչ մի միտք չեն պարունակում, բացի նրանից, որ քանի որ Սերժ Սարգսյանն ու ՀՀԿՆ ֊են իրականացրել իշխանությունը արդեն քսանհինգ տարուց ավել, ուրեմն իրենք էլ պետք է շարունակեն իշխանությունը։
Պետք էր ուղղակի քաջություն ունենային, և Սահմանադրությամբ ուղղակի ամրագրեին․
1. ՀՀ ղեկավարող ուժը ՀՀԿ֊ն է, որը ձևավորում է կառավարությունը և պետական, իշխանության մարմինները այն կուսակցությունների հետ, որոնց կընտրի Սերժ Սարգսյանը
2. Սահմանադրության այս նորմն անփոփոխ է մինչև Սերժ Սարգսյանի կյանքի վերջը, և կվերանայվի նրա կողմից ժառանգորդի նշանակումից հետո։
Բայց այդքան քաջություն չունեցան իհարկե հրապարակավ ներկայացնեին իրենց մտադրությունը և ծրագիրը։
Այսպիսով ՀՀԿ֊ն ու Սերժ Սարգսյանը գործում են որպես գաղտնի կառույցներ, որոնք “խորքային” կամ “գաղտնի” պետության ստեղծման ճանապարհն են ընտրել։
Սա ակնհայտ իր էությամբ հակաիրավական է, հակասահմանադրական է, հակաժողովրդավարական է, և պետություն պետության մեջ կոնցեպտի իրականացումն է։
|
|
Աղբյուրը` Արթուր Սաքունց (ֆեյսբուք)