Դեկտեմբերի 10-ը մարդու իրավունքների միջազգային օրն է

Մարդու իրավունքների միջազգային օրվան ընդառաջ Հելսինկյան Քաղաքացիական Ասամբլեայի Վանաձորի գրասենյակը հայտարարում է լուսանկարների մրցույթ՝ «Ես իրավունք ունեմ….» խորագրով:

Մրցույթին կարող են մասնակցել բոլոր ցանկացողները:

Նույն մասնակիցը կարող է ներկայացնել անսահմանափակ թվով լուսանկարներ (կամ ֆոտոպատմություն):

Ներկայացվող պահանջները՝

• Լուսանկարները պետք է առնչվեն մարդու իրավունքներին
• Լուսանկարները պետք է վերնագրվեն մասնակիցների կողմից՝ «Ես իրավունք ունեմ….» խորագրին համապատասխան, օրինակ՝ «Ես իրավունք ունեմ ստանալու բժշկական օգնություն»
• Ոչ հեղինակային լուսանկարները (համացանցից ներբեռնված կամ հեղինակային իրավունքների խախտմամբ) չեն կարող մասնակցել մրցույթին
• Ստեղծագործական միտքը խրախուսվում է
• Լուսանկարները պետք է ներկայացնել jpg ֆորմատով (3264×2448 (8MP) և ավելի չափի)

Հաղթող լուսանկարները կորոշվեն հանրային քվեարկության միջոցով:

Առաջին երեք հորիզոնականնները գրաված լուսանկարների հեղինակները կստանան դրամական պարգև համապատասխանաբար՝ 25.000, 20.000 և 15.000 ՀՀ դրամի չափով:

Բոլոր մասնակիցները կստանան մասնակցության վկայական:

Աշխատանքները կարող եք ուղարկել nyeganyan@hcav.am էլեկտրոնային փոստի հասցեով մինչև 2016 թ. դեկտեմբերի 8-ը՝ նամակի վերնագրում նշելով՝ «Ես իրավունք ունեմ….»:

Պարտադիր է նշել լուսանկարի վերնագիրը և հեղինակի անունը:

Դու ունես իրավունք մասնակցելու այս մրցույթին:

Հարցերի դեպքում կարող եք զանգահարել ՀՔԱ Վանաձորի գրասենյակ 077 34 22 68 և 0322 7 22 68 հեռախոսահամարներով կամ գրել nyeganyan@hcav.am էլ. փոստի հասցեով:

Կոնտակտային անձ՝ ՀՔԱ Վանաձորի գրասենյակի հասարակայնության հետ կապերի մասնագետ Նարինե Եգանյան: