0 8000 12 11

1. ՀՔԱ Վանաձորի գրասենյակը, ելնելով Կառավարության կողմից իր քաղաքացիների կյանքի, առողջության և անվտանգության ապահովման և դրանց վերաբերյալ հանրային պատշաճ իրազեկման պարտականությունից, իրականացրել է 2016թ.-ի ապրիլի 2-5-ը ժամանակահատվածում պատերազմական գործողությունների (մինչև Հայաստանի Հանրապետության և Ադրբեջանի Հանրապետության Գլխավոր շտաբերի պետերի կողմից հրադադարի հաստատումը) և դրանից հետո շարունակվող լարվածության հետևանքով մահացության դեպքերի, հանգամանքների վերլուծություն, որի արդյունքները ներկայացվում են 2016թ.-ի դեկտեմբերի 1-ին  հրապարակված զեկույցում:

2. 2016 թ.-ի դեկտեմբերի 10-ին ՀՔԱՎ-ը «Ես իրավունք ունեմ….» խորագրով միջոցառում անցկացրեց՝ նշելու Մարդու իրավունքների միջազգային օրը:

3. 2016թ.-ի դեկտեմբերի 13-ին, 2017թ.-ի հուլիսի 18-ին և 20-ին ՀՔԱՎ-ի նախաձեռնությամբ Աշտարակում և Գյումրիում անցկացվեցին դասընթացներ՝ «Մարդու իրավունքների հիմունքները: Զորակոչիկների և զինծառայողների իրավունքներն ու պարտականությունները, զորակոչիկների իրավունքների պաշտպանությանն առնչվող իրավական կարգավորումները» թեմայով:

4. 2017թ.-ի փետրվարի 11-12-ը ՀՔԱՎ-ը Մեդիա նախաձեռնությունների կենտրոնի հետ համատեղ անցկացրեց աշխատանքային քննարկում լրագրողների ու պետական մի շարք կառույցների ներկայացուցիչների հետ՝ «Թմրամիջոց գործածող և հոգեկան առողջության խնդիրներ ունեցող անձանց խնդիրների լուսաբանման առանձնահատկությունները» թեմայով: Երկօրյա աշխատանքային քննարկման արդյունքում մասնակիցներից ոմանք պատրաստեցին և հրապարակեցին թեմատիկ լրագրողական նյութեր:

5. 2017թ.-ի մարտի 27-ին՝ ՄԱԿ-ի՝ Հաշմանդամություն ունեցող անձանց իրավունքների հարցերով կոմիտեի 17-րդ նիստին հայկական հասարակական կազմակերպությունների ներկայացուցիչները, այդ թվում՝ երկու ներկայացուցիչ ՀՔԱ Վանաձորի գրասենյակից, ներկայացրին Հաշմանդամություն ունեցող անձանց իրավունքների մասին կոնվենցիայի իրականացման հարցում առաջընթացը: Կազմակերպության ներկայացուցիչները կոմիտեի ուշադրությունը հրավիրեցին հատկապես կոնվենցիայի՝ օրենքի առջև հավասար ճանաչման, ինքնուրույն ապրելու և հասարակության մեջ ներգրավվելու իրավունքի ապահովմանը:

6. 2017թ.-ի ապրիլի 2-ի խորհրդարանական ընտրությունների դիտարկումը համաֆինանսավորվել է ծրագրի շրջանակում: Դիտարկումն իրականացվել է  «Անկախ դիտորդ» դաշինքի շրջանակում: Կազմակերպության կողմից վերապատրաստված մոտ 450 դիտորդ դիտարկել է խորհրդարանական ընտրությունները երկրի համամասնորեն ընտրված 200 ընտրատեղամասերում:

7. 2017թ.-ի հունվարի 7-9-ը տեղի ունեցավ Կազմակերպության ընդհանուր ժողովը: Դրան ներկա էին Կազմակերպության 22 անդամ ու աշխատակից: Ընդհանուր ժողովին մասնակիցները գնահատեցին Կազմակերպության գործողությունների ծրագրի իրականացումը, վերանայեցին 2017թ.-ի գործողությունների ծրագիրը, և ընտրվեց մեկ այլ խորհուրդ:

8. 2017թ.-ի սեպտեմբերի 1-3-ը արտագնա աշխատանքային քննարկումների արդյունքում ՀՔԱ Վանաձորը մշակեց իր 2018-2020թթ.-ի ռազմավարությունը: Ռազմավարության վերանայումը և նոր ռազմավարական պլանի մշակումը պայմանավորված էին ՀՀ-ում մարդու իրավունքներին սպառնացող մարտահրավերներով: Արդյունքում Կազմակերպության տեսլականը և առաքելությունը խմբագրվեցին: Առանցքային ռազմավարական ուղղությունները չփոխվեցին, իսկ խնդիրներն ու գործողությունները ձևակերպվեցին՝ հաշվի առնելով մարդու իրավունքների նոր մարտահրավերները: Հատուկ ուշադրություն դարձվեց աշխատակազմի անվտանգությանը, առողջական ապահովագրությանը, մասնագիտական զարգացմանը և հոգեբանական աջակցության անհրաժեշտությանը: