0 8000 12 11

ՀՔԱ Վանաձորի գրասենյակի իրավախորհրդատվության բաժին դիմած քաղաքացիների խնդիրների դասակարգումն ըստ իրավունքների.

* Սոցիալ տնտեսական – Դիմել են 3 քաղաքացի իրավաբանական անձանց գրանցման մարմնում գրանցվել է որպես անհատ ձեռներեց (ԱՁ):

Սակայն հետագայում դադարեցնելով ԱՁ գործունեությունը ԱՁ վկայականը չի հանձնել պետական մարմիններին և այն չի լուծարել: Հակառակ դրան մեկնել է ՀՀ տարածքից: Այժմ նրա նկատմամբ յուրաքանչյուր ամիս առաջանում է պարտադիր սոցիալական ապահովության վճար: Նրան խորհուրդ է տրվել կամ ԱՁ վկայականը հանձնել հարկային մարմիններին կամ ԱՁ-ն լուծարել: 1 քաղաքացի այլ անձի կողմից լիազորության միջոցով թոշակ ստանալու կարգի հետ կապված հարցով: Նրան խորհուրդ է տրվել դիմել դատարան, քանի որ լիազորագրով լիազորող անձը լիազորել է կոնկրետ գործողութոյուն կատարելու, սակայն դրա կատարմանը խոչընդոտում է պետական մարմինը: 1քաղաքացի իր անունից այլ անձի համար երաշխավորագրով բանկից գումար ստանալու, հետագայում այդ անձի կողմից գումարը չվերադարձնելու պատճառով բանկի կողմից պատասխանատվության ենթարկվելու հետ կապված խնդրով

* Սոցիալական աջակցության իրավունք – 3 քաղաքացի դիմել են սոցիալական նպաստի ստացման կարգի վերաբերյալ հարցերով : Նրանք ցանկացել են իմանալ, թե ինչպես կարող են դիմել սոցիալական մարմիններին՝ աղքատության ընտանեկան նպաստ ստանալու համար: Նրանց բացատրվել է սոցիալական մարմիններին դիմելու իրավական ձևը և ինչ փաստաթղթեր են անհրաժեշտ տվյալ մարմիններին դիմելու համար:
Որոշ քաղաքացիներ աշխատանքի պատճառով զրկվել են նպաստից և ցանկանում էին իմանալ , ինչ կարող են անել: Նրանց բացատրվել է , որ աշխատանքի առկայության դեպքում իջնում է աղքատության նպաստի բալային միավորը և քաղաքացին մեխանիկորեն զրկվում է նպաստից:

* Ժառանգության, կտակի իրավունք – 3քաղաքացի դիմել են ժառանգության իրավունքի հետ կապված խնդիրներով: Նրանց խնդիրը հիմնականում վերաբերում է ժառանգության ընդունման կարգին, զանգվածին և դրանից հրաժարվելուն: Ժառանգության իրավունքի հետ կապված հարցերով գրասենյակ դմած քաղաքացիներին բացատրվել է ՀՀ Քաղաքացիական օրենսդրությամբ սահմանված ժառանգության իրավահարաբերությունը կարգավորող նորմերը և դրանց կիրառման պրակտիկան:

* Բնակարանային իրավունք– 6քաղաքացի դիմել են բնակարանային խնդիրներով: Հատկապես կարելի է առանձնացնել նոր բնակարան ստանալու և մեկ ուրիշի բնակարանից բնակտարածքի օգտագործման իրավունք ստանալու հարցերը: Քաղաքացիներին բացատրվել է, որ բնակարանի օգտագործման իրավունքը պարտադիր կերպով ենթակա է գրանցման անշարժ գույքի պետական մարմնում, հակառակ դեպքում այն չի պաշտպանվի դատարանում կամ այլ մարմիններում:

* Աշխատանքային իրավունք – 5 քաղաքացի իրավաբանական օգնություն են ստացել նաև աշխատանքային իրավունքի հետ կապված: Խնդիրը կայացել է նրանում, որ մարդիկ աշխատել են գործարարի մոտ աշխատանքային պայմանագրի հիման վրա,որտեղ աշխատաժամանակը նշված է 8 ժամյա, բայց նրանք աշխատել են ավել ժամաքանակով՝ գիշերային ժամերին հերթափոխով, որը պայամանգրում նշված չէ:

* Արդար դատաքննության իրավունք – 2 քաղաքացի դիմել են դատարան դիմելու համար իրավաբանական օգնության խնդրանքով: Ինչպես նաև դատարանի գործողությունների դեմ բողոքներ կազմելու խնդրանքով: Քաղաքացիները դատարանից դժգոհում են հիմնականում այն պատճառով, որ գործերը ձգձգվում են , այսինքն ողջամիտ ժամկետները չեն պահպանվում: Քրեական գործերում բացակայում է իրական մրցակցությունը: Դատարանը հաճախ կալանքը որպես խափանման միջոց որոշում է ընդունում առանց մեղադրյալի մասնակցության : Քաղաքացիները դիմում են նաև ոչ որակյալ իրավաբանական օգնություն ստանալու կամ ընդհանրապես դրանից զրկվելու խնդիրներով: Շատ հաճախ մարդիկ փաստաբանի խորհրդով դիմում են դատարան և դատարանում իրենց խնդիրը դրական լուծում չի ստանում: Հետագայում ստանալով ու կարդալով դատարանի վճիռը,կամ այլ իրավաբանի հետ խորհրդակցելով, պարզվում է , որ իրենք պետք է դիմեին ոչ այն պահանջով, որով հանդես են եկել կամ բավարար ապացույցներ չունենալու պատճառով նրանք ընդհանրապես դատարան չպետք է դիմեին:

* Ընտանեկան իրավունք – 2քաղաքացի դիմել են ալիմենտին վերաբերող հարցով: Քաղաքացիներին օգնություն է ցուցաբերվել փաստաթղթեր կազմելու միջոցով: Դա արվում է միայն այն դեպքերում , երբ խնդիրը կապված է լինում երեխաների իրավունքների հետ:
Քաղաքացիները հաճախ իրավաբանական օգնություն ստանալու խնդրանքով դիմում են օրինակ մեկը մյուսից բնակարանի օգտագործման իրավունքի ստացման կամ ամուսնալուծության վերաբերյալ իրավական օգնություն ստանալու խնդրանքով: Չնայած նրան, որ դա մարդու իրավունքների հետ ուղղակի առնչություն չունի, այնուամենայնիվ նարնց տրամադրվում է իրավաբանական խորհրդատվություն՝ միայն բանավոր եղանակով:

* Քաղաքացիության իրավունք – 2 քաղաքացի անձնագրի փոփոխության հետ կապված հարցերով և 1 քաղաքացի՝ քաղաքացիության ձեռքբերման իրավունքի հետ կապված հարցով: Խնդիրը կայացել է նրանում , որ մարդը հանդիսանում է այլ երկրի քաղաքացի, սակայն ցանկանում է ձեռք բերել ՀՀ քաղաքացիություն :
Նրան խորհուրդ է տրվել նախ դիմել և հրաժարվել ներկայիս քաղաքացիությունից, ապա նոր ձեռք բերել ՀՀ քաղաքացիություն:

* Սպառողների իրավունք – 3 քաղաքացի դիմել են «ՋրմուղԿոյուղի» ՓԲԸ-ի կողմից անօրինական պարտքեր ներկայացնելու հարցով: Խնդիրը կայանում է նրանում, որ «ՋրմուղԿոյուղի» ՓԲԸ-ն ջուր չի մատակարարում պատշաճ կարգով կամ մատակարարած ջուրը հաճախ պիտանի չէ խմելու համար, իսկ դրան հակառակ մշտապես իր սեփական հաշվարկների հիման վրա հայց է ներկայացնում դատարան և քաղաքացիներից ստանում « մատակարարված ջրի» համար վարձատրության պահանջի դատական բավարարում:
Քաղաքացիներին խորհուրդ է տրվել դիմել դատարան: 1 քաղաքացու համար կազմվել է հայցադիմում:

Բոլորին տրվել է իրավաբանական բանավոր խորհրդատվություն: