Քաղաքացիական և քաղաքական իրավունքների մասին միջազգային դաշնագրի՝ սահմանափակումների և շեղումների դրույթների մասին Սիրակուզայի սկզբունքներ. 1984
January 23, 2018 Այլ, Զեկույց(i) 1984թ. ապրիլին և մայիսին Սիցիլիա կղզու Սիրակուզա քաղաքում «Իրավաբանների միջազգային հանձնաժողովի», Քրեական իրավունքի հարցերով միջազգային միավորման, «Իրավաբանների միջազգային հանձնաժողովի» Ամերիկյան միավորման, Ուրբան Մորգանի անվան մարդու իրավունքների ինստիտուտի և Քրեագիտության բարձրագույն կրթության միջազգային ինստիտուտի կազմակերպած ժողովին մասնակցել է միջազգային իրավունքի 31 ճանաչված փորձագետներից կազմված խումբ, որը քննարկել է Քաղաքացիական և քաղաքական իրավունքների մասին միջազգային դաշնագրի սահմանափակումների և շեղումների դրույթները: Ժողովին մասնակցել են մասնագետներ Բրազիլիայից, Կանադայից, Չիլիից, Եգիպտոսից, Ֆրանսիայից, Հունաստանից, Հունգարիայից, Հնդկաստանից, Իռլանդիայից, Քուվեյթից, Նիդեռլանդներից, Նորվեգիայից, Լեհաստանից, Շվեյցարիայից, Թուրքիայից, Մեծ Բրիտանիայի և Հյուսիսային Իռլանդիայի Միացյալ Թագավորությունից, Ամերիկայի Միացյալ Նահանգներից, ՄԱԿ-ի Մարդու իրավունքների կենտրոնից, Աշխատանքի միջազգային կազմակերպությունից (ԱՄԿ) և հովանավորող կազմակերպություններից:
(ii) Մասնակիցները համաձայնել են, որ օրենքի գերակայության սկզբունքի արդյունավետ իրագործմանը հասնելու համար անհրաժեշտ է սերտորեն ուսումնասիրել Դաշնագրով նախատեսված թույլատրելի սահմանափակումների և շեղումների պայմանները և հիմքերը: Ինչպես հաճախակի ընդգծում է Միավորված ազգերի կազմակերպության Գլխավոր ասամբլեան, Դաշնագրի իրավունքների սահմանափակումների միատեսակ մեկնաբանումը շատ կարևոր նշանակություն ունի:
(iii) Նման սահմանափակումները և շեղումները ուսումնասիրելու ընթացքում մասնակիցները ձգտում էին պարզել.
դրանց իրավաչափ խնդիրները,
դրանց սահմանումը և կիրառումը կարգավորող մեկնաբանության ընդհանուր սկզբունքները և
սահմանափակումների կամ շեղումների հիմքերի հիմնական
հատկանիշները:
(iv) Մասնակիցներն ընդունել են, որ Դաշնագրով հռչակված իրավունքների շրջանակը որոշվել է այլ չափորոշիչներով, օրինակ՝ կամայականության հայեցակարգով, սակայն դրանք ուսումնասիրելու համար բավարար ժամանակ չեն ունեցել: Նրանք հույս հայտնեցին, որ հետագայում այլ առիթներով կկարողանան ուսումնասիրել այլ չափորոշիչներով որոշվող այդ սահմանափակումները:
(v) Մասնակիցները համաձայնել են, որ.
(ա) մարդու իրավունքների պահպանումը սերտորեն փոխկապակցված է միջազգային մակարդակով խաղաղության և անվտանգության պահպանման հետ. և իսկապես, մարդու իրավունքների համակարգային խախտումը խաթարում է ազգային անվտանգությունը և հասարակական կարգը և կարող է սպառնալ միջազգային մակարդակով խաղաղության պահպանմանը:
(բ) Տարբեր պետություններում արձանագրված տնտեսական զարգացման տարբեր փուլերից անկախ՝ լայն իմաստով զարգացման էական նախապայմանը մարդու իրավունքների պահպանումն է:
(vi) Մասնակիցները քննարկում են այս սկզբունքները՝ միջազգային իրավունքի ներկա վիճակն արտացոլելու համար, բացառությամբ որոշակի հանձնարարականների, որոնք նշվում են «խորհուրդ է տրվում» բայով՝ «պետք է» բայի փոխարեն:
Ամբողջությամբ՝ ԱՅՍՏԵՂ
Աղբյուրը՝ refworld.org
Թարգմանությունը՝ ՀՔԱ Վանաձորի գրասենյակի (թարգմանիչ՝ Ա. Գրիգորյան)
Related events
-
Զորակոչիկների և զինծառայողների իրավունքներին վերաբերող դասընթացները մարզերում կազմակերպելու համար անհրաժեշտ են կոնտակտային անձինք Լոռու, Շիրակի, Արարատի, Կոտայքի և Տավուշի մարզերում
September 10, 2018
Դասընթացները կազմակերպելու, մասնակիցներին ներգրավելու համար Կազմակերպությունը հավաքագրում է կոնտակտային անձանց Լոռու, Շիրակի, Արարատի, Կոտայքի և Տավուշի մարզերում:
Հետաքրքրվածության դեպքում անհրաժեշտ է ներկայացնել ինքնակենսագրական (CV) asadikyan@hcav.am էլ. փոստի հասցեով մինչև 2018թ.-ի սեպտեմբերի 18-ը: -
ՀՔԱ Վանաձորի գրասենյակը 2018 թ.-ի սեպտեմբեր-նոյեմբեր ամիսներին իրականացնելու է դասընթացներ ՀՀ-ում զինվորական հաշվառման ենթակա անձանց, զորակոչիկների, զինծառայողների եւ նրանց հարազատների համար
September 10, 2018
Դասընթացներին մասնակցելու համար կարող եք գրանցվել asadikyan@hcav.am էլեկտրոնային փոստին նամակ գրելու կամ /0322/ 4 22 68, 094 042268 հեռախոսահամարներով զանգահարելու միջոցով:
-
Լիա Միսակյանի մահվան մեջ մեղադրված բժիշկների նկատմամբ լրացուցիչ պատիժ նշանակելու գործով վճիռը չհրապարակվեց
September 7, 2018
Դատարանը հայտարարել է դատաքննությունը վերսկսելու մասին: Քանի որ անհրաժեշտ է պահանջագիր ներկայացնել Ոստիկանության ինֆորմացիոն կենտրոն՝ ամբաստանյալների՝ դատվածության վերաբերյալ տվյալները ճշտելու համար: -
Վերաքննիչը հաստատեց. Երևանի քաղաքապետարանի դեմ կայացված դատական ակտը չկատարելու համար քրեական գործ կհարուցվի
September 7, 2018
ՀՀ Վերաքննիչ քրեական դատարանը 2018 թ. սեպտեմբերի 4-ին մերժեց ՀՀ Գլխավոր դատախազության դատախազ Ա. Շահբազյանի բողոքն ու անփոփոխ թողեց Երևան քաղաքի ընդհանուր իրավասության դատարանի որոշումը: Դրանով դատարանը պարտավորեցրել էր ՀՀ Հատուկ քննչական ծառայությանը քրեական գործ հարուցել Երևանի քաղաքապետարանի դեմ կայացված դատական ակտը չկատարած ԴԱՀԿ աշխատակիցների նկատմամբ: -
Շանթ Հարությունյանին անազատության մեջ պահելու անհրաժեշտություն չկա. Արթուր Սաքունց
September 7, 2018
«Իրավիճակը փոխվել է, Հայաստանում թավշյա հեղափոխություն է տեղի ունեցել: Նրան անազատության մեջ պահելու անհրաժեշտություն չկա: Նրա ազատազրկման խնդիրը քաղաքական իշխանության կողմից կարևոր է»,- ասաց Հելսինկյան քաղաքացիական ասամբլեայի նախագահ, իրավապաշտպան Արթուր Սաքունցը: -
Խայտառակ զանգվածային բնույթի ընտրակաշառքն այլևս չի լինի
September 7, 2018
Սաքունցի խոսքով՝ պատժի խստացումը նախ և առաջ ունի կանխարգելիչ նշանակություն: «Մենք չենք հավակնում, որ ընտրությունների հետ կապված կաշառք հասկացությունը կվերանա, բայց խստացումն անպայման կունենա կանխարգելիչ նշանակություն: Եվ այն խայտառակ զանգվածային բնույթի ընտրակաշառքը, որն արձանագրվում էր նախկին ընտրությունների ժամանակ, այլևս չի լինի»,- հավելեց նա: -
Դատարանը վաղը կվճռի՝ Լիա Միսակյանի մահվան մեջ մեղադրվող բժիշկների նկատմամբ լրացուցիչ պատիժ կնշանակվի, թե՝ ոչ
September 6, 2018Տուժողի իրավահաջորդի ներկայացուցիչ Տ․ Սիրադեղյանը օգտվեց ռեպլիկի իր իրավունքից և նշեց, որ պաշտպանական կողմի ներկայացրած փաստաթղթերը՝ սեմինարների, դասընթացների մասնակցության վերաբերյալ, չեն նվազեցնում ամբաստանյալների արարքի հանրային վտանգավորության աստիճանը, ուստի՝ բավարար հիմքեր կան լրացուցիչ պատիժ նշանակելու համար: -
Ելփին գյուղի ուսուցիչները պնդում են, որ իրենց դեմ բողոքի ակցիաները հրահրել է դպրոցի տնօրենը, և ահազանգում են չարաշահումների մասին
September 6, 2018
Վայոց Ձորի մարզի Ելփին գյուղի երեք ուսուցիչներ դիմել են ՀՔԱ Վանաձորի գրասենյակ և հայտնել, որ նրանց նկատմամբ հետապնդումներ ու ճնշումներ են սկսվել: -
Լիա Միսակյանի մահվան մեջ մեղադրված բժշկի պաշտպաններն այսօր դատարանում հանդես կգան ամփոփիչ ճառով
September 6, 2018Տեղեկացնում ենք, որ այսօր՝ 2018 թ. սեպտեմբերի 6-ին՝ ժամը 16:30-ին, Երևան քաղաքի ընդհանուր իրավասության դատարանի Շենգավիթի նստավայրում Արաբկիր ԲԿ-ում 2013 թ. հունվարին մահացած 2 տարեկան, 3 ամսական Լիա Միսակյանի մահվան մեջ մեղադրված բժիշկ Զ. Այվազյանի պաշտպանները հանդես կգան ամփոփիչ ճառով: -
Մահացած ծննդկանի մայրը կասկածում է, որ բժիշկները դստեր մահվան փաստն իրենցից ժամեր շարունակ թաքցրել են
September 6, 2018
Ի հաստատումն իր այդ պնդման՝ ասաց, որ երբ դեռ իրենց չէին հայտնել մահվան մասին, ընդունարանի բուժքույրը իրեն ու Հռիփսիմեի սկեսրոջը կանչել է սենյակ, չափել ճնշումը ու ինչ-որ դեղ տվել, ապա հյուրասիրել իրենց իսկ բերած շոկոլադից՝ ասելով. «Կերեք, որ դիմանաք»: -
Մենք չենք սպասելու, գործելու ենք, սա միայն իշխանության անելիքը չէ. Սաքունց
September 5, 2018
«Մենք չենք սպասելու, գործելու ենք, սա միայն իշխանության անելիքը չէ, հասարակությունը, քաղհասարակությունը, փորձագիտական շրջանակները, հակված լինելով այդ փոփոխությունների, պետք է աշխատեն այդ ուղղությամբ»,-եզրափակեց Արթուր Սաքունցը, հավելելով որ իշխանությունը միայնակ չի կարող կատարել այդ փոփոխությունները օբյեկտիվ պատճառներով, որոնցից առաջինը խորհրդարանաում ձայների 7 տոկոսին տիրապետելն է:ՀՔԱ Վանաձորի գրասենյակը հայտարարում է մրցույթ գրասենյակի Երևանի ներկայացուցչությունում իրավաբանի թափուր հաստիքի համար
September 5, 2018
Դիմել՝ ուղարկելով հայերեն լեզվով ինքնակենսագրական (PDF ֆորմատով) ssukiasyan@hcav.am էլ. փոստի հասցեին՝ վերնագրի դաշտում նշելով «Իրավաբանի թափուր հաստիք»:Դիմելու վերջնաժամկետ՝ 2018 թ.-ի սեպտեմբերի 15: