Վարդան ԲալյանԱյսօր՝ 2018 թ. փետրվարի 7-ին, ՀՀ Վարչական վերաքննիչ դատարանը մերժեց ցուցարար Վարդան Բալյանի ու նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանի վերաքննիչ բողոքը:

Վարդան Բալյանը 2016 թ. մարտի 24-ին Գևորգ Սաֆարյանի կալանքի ժամկետը երկարաձգելու վերաբերյալ միջնորդության քննարկմանն ընդառաջ կազմակերպված հավաքի մասնակից է:

ՀՀ Վարչական դատարան ներկայացված հայցով ՀՀ Ոստիկանությունը պահանջել էր նրան վարչական պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1 հոդվածի 11-րդ և 15-րդ կետերի պահանջներով:

2016 թ. նոյեմբերի 28-ին դատարանը հայցը բավարարել էր մասնակի, և ցուցարարին տուգանել 70.000 ՀՀ դրամով:

ՀՀ Վարչական վերաքննիչ դատարանի դիրքորոշմամբ՝ գործի փաստերով հիմնավորվում է, որ Վ․ Բալյանը 2016 թ․-ի մարտի 24-ին մասնակցել է Մաշտոցի պողոտայում անցկացվող բողոքի ակցիային, ժամը 1345-ի սահմաններում մի խումբ անձանց հետ դուրս է եկել Երևան քաղաքի Մաշտոցի պողոտայի երթևեկելի հատված՝ խոչընդոտելով տրանսպորտային միջոցների բնականոն ընթացքը։

Դատարանի որոշմամբ՝ ճանապարհի երթևեկելի հատված դուրս գալն ու ճանապարհային երթևեկության կանոնները խախտելը վթարային իրավիճակ է ստեղծել (հասարակական կարգը խախտելով), իսկ Մաշտոցի պողոտայում գտնվողներին այդտեղից դուրս գալ պահանջելը բխել է ճանապարհային երթևեկության անվտանգության ապահովման ուղղությամբ կանխարգելիչ միջոցառումներ իրականացնելու, և ըստ այդմ՝ հավաքի խաղաղ և բնականոն ընթացքի ապահովման ոստիկանության լիազորություններից։

hq720ՀՀ Ոստիկանության դեմ Հայ կանանց ճակատի անդամ Սուսաննա Սիմոնյանի հայցի քննությունը 2018 թ. փետրվարի 1-ին ՀՀ Վարչական դատարանը հետաձգեց:

Ֆինանսների նախարարության՝ որպես երրորդ անձ ներգրավվելու դիմումը դատարանը մերժել է: Նախարարությունը վերաքննիչ վարչական դատարանում բողոքարկում է այդ որոշումը:

Հիշեցնենք՝  Ս. Սիմոնյանը Հայ կանանց ճակատի մյուս անդամների հետ 2017 թ. սեպտեմբերի 20-ին փորձել է հավաք իրականացնել Երևանի Հանրապետության հրապարակի շատրվանների տարածքում:

Սակայն հավաքն սկսելուն պես ոստիկանության աշխատակիցները շրջապատել են նրան, ֆիզիկական ուժի գործադրմամբ, առանց որևէ պարզաբանման՝ նստեցրել ոստիկանության ավտոմեքենա՝ ոստիկանության բաժին տեղափոխելու նպատակով։ Այնուհետեև հայտնել, որ թյուրիմացություն է տեղի ունեցել և կրկին ուժի գործադրմամբ նրան իջեցրել են մեքենայից:

Դատարան ներկայացված հայցով Ս. Սիմոնյանը պահանջում է ոչ իրավաչափ ճանաչել ոստիկանների գործողությունները, որոնք հանգեցրել են նրա մի շարք իրավունքների խախտմանը և պարտավորեցնել ՀՀ Ոստիկանությանը հատուցել պատճառված ոչ գույքային վնասը՝ 3․000․000 ՀՀ դրամի չափով։

Ս. Սիմոնյանի շահերը ներկայացնում է ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը:

hq720Տեղեկացնում ենք, որ 2018 թ. փետրվարի 1-ին՝ ժամը 11:00-ին, ՀՀ Վարչական դատարանը կքննի ՀՀ Ոստիկանության դեմ  Հայ կանանց ճակատի անդամ Սուսաննա Սիմոնյանի հայցը:

Ս. Սիմոնյանը Հայ կանանց ճակատի մյուս անդամների հետ 2017 թ. սեպտեմբերի 20-ին փորձել է հավաք իրականացնել Երևանի Հանրապետության հրապարակի շատրվանների տարածքում:

Սակայն հավաքն սկսելուն պես ոստիկանության աշխատակիցները շրջապատել են նրան, ֆիզիկական ուժի գործադրմամբ, առանց որևէ պարզաբանման՝ նստեցրել ոստիկանության ավտոմեքենա՝ ոստիկանության բաժին տեղափոխելու նպատակով։ Այնուհետեև հայտնել, որ թյուրիմացություն է տեղի ունեցել և կրկին ուժի գործադրմամբ նրան իջեցրել են մեքենայից:

Դատարան ներկայացված հայցով Ս. Սիմոնյանը պահանջում է ոչ իրավաչափ ճանաչել ոստիկանների գործողությունները, որոնք հանգեցրել են նրա մի շարք իրավունքների խախտմանը և պարտավորեցնել ՀՀ Ոստիկանությանը հատուցել պատճառված ոչ գույքային վնասը՝ 3․000․000 ՀՀ դրամի չափով։

Ս. Սիմոնյանի շահերը ներկայացնում է ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը:

Վարդան Բալյան2018 թ. հունվարի 18-ին ՀՀ Վերաքննիչ վարչական դատարանում սկսվեց ցուցարար Վարդան Բալյանի և նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանի վերաքննիչ բողոքի քննությունը:

Վարդան Բալյանը 2016 թ. մարտի 24-ին Գևորգ Սաֆարյանի կալանքի ժամկետը երկարաձգելու վերաբերյալ միջնորդության քննարկմանն ընդառաջ կազմակերպված հավաքի մասնակից է: ՀՀ Վարչական դատարան ներկայացված հայցով ՀՀ Ոստիկանությունը պահանջել էր նրան վարչական պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1 հոդվածի 11-րդ և 15-րդ կետերի պահանջներով:

2016 թ. նոյեմբերի 28-ին դատարանը հայցը բավարարել էր մասնակի, և ցուցարարին տուգանել 70.000 ՀՀ դրամով:

Ցուցարարն ու նրա ներկայացուցիչը պահանջում են բեկանել վարչական դատարանի ակտը և կայացնել նոր դատական ակտ՝ մերժելով ՀՀ Վարչական իրավախախտումների վերաբերյալ օրենսգրքի 180.1 հոդվածի 15-րդ կետով վարչական պատասխանատվության ենթարկելու պահանջով հայցը:

Ներկայացված բողոքում նրանք հիմնավորումներ են ներկայացրել այն մասին, որ ՀՀ Վարչական իրավախախտումների վերաբերյալ օրենսգրքի 180.1 հոդվածի 15-րդ կետով նախատեսված զանցանքի կատարման վերաբերյալ ապացույցներ վարչական դատարանում ձեռք չեն բերվել: Գործի քննության ընթացքում ձեռք բերված ապացույցները բավարար չեն փաստելու, որ ոստիկանության ներկայացուցիչները Վ. Բալյանին պահանջ են ներկայացրել, առավել ևս, որ այդ պահանջը ներկայացվել է  սահմանված կարգով։

Ընդ որում, վարչական դատարանը փաստել է, որ ցուցարարը հավաքի բնականոն ընթացքը խոչընդոտելու վարքագիծ չի դրսևորվել, հետևաբար՝ դրանից հրաժարվելու պահանջ չէր կարող ներկայացվել նրան:

ՀՀ Վարչական վերաքննիչ դատարանում ՀՀ Ոստիկանության ներկայացուցիչ Ս. Մելիքյանը առարկեց բողոքի դեմ՝ նշելով, որ ՀՀ Վարչական դատարանի որոշմամբ հիմնավորվել է իրավախախտման փաստը:

Այսպիսով՝ բողոքի քննությունն ավարտվեց:

ՀՀ Վարչական վերաքննիչ դատարանի որոշումը կհրապարակվի 2018 թ․ փետրվարի 7-ին՝ ժամը 16։00-ին։

Վարդան ԲալյանՏեղեկացնում ենք, որ 2018 թ. հունվարի 18-ին՝ ժամը 11:00-ին, ՀՀ Վերաքննիչ վարչական դատարանում կշարունակվի ցուցարար Վարդան Բալյանի վերաքննիչ բողոքի քննությունը:

Վերջինս 2016 թ. մարտի 24-ին Գևորգ Սաֆարյանի կալանքի ժամկետը երկարաձգելու վերաբերյալ միջնորդության քննարկմանն ընդառաջ կազմակերպված հավաքի մասնակից է:

ՀՀ Վարչական դատարան ներկայացված հայցով ՀՀ Ոստիկանությունը պահանջել էր նրան վարչական պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: 2016 թ. նոյեմբերի 28-ին դատարանը հայցը բավարարել էր մասնակի և ցուցարարին տուգանել 70.000 ՀՀ դրամով:

Վ. Բալյանը Վերաքննիչ դատարանում բողոքարկում է այդ որոշումը: Նրա շահերը ներկայացնում է ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը:

download (7)2017 դեկտեմբերի  22-ին ՀՀ Վարչական դատարանը հրապարակեց ցուցարար Վահրամ Պետրոսյանի գործով վճիռը:

Հիշեցնենք՝ ՀՀ Ոստիկանությունը պահանջում է պատասխանատվության ենթարկել Վ. Պետրոսյանին ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները:

Նախապես վճռի հրապարակման օր էր նշանակվել 2017 թ. հոկտեմբերի 27-ը, սակայն դատավորի զբաղվածության պատճառով այն հետաձգվել էր, իսկ հոկտեմբերի 30-ին դատարանը հայտարարել էր դատաքննությունը վերսկսելու մասին:

Դեկտեմբերի 22-ի վճռով դատարանը մերժեց ՀՀ Ոստիկանության հայցը և մասնակի բավարարեց ցուցարարի ու նրա ներկայացուցչի հակընդդեմ հայցը: Մասնավորապես՝ դատարանը ոչ իրավաչափ ճանաչեց Վ. Պետրոսյանին ձերբակալելու և նրա նկատմամբ ֆիզիկական ուժ գործադրելու՝ ոստիկանների գործողությունները:

download (7)2017 թ. դեկտեմբերի 1-ին ՀՀ Վարչական դատարանը վերասկսեց ցուցարար Վահրամ Պետրոսյանի գործի դատաքննությունը և վճռի հրապարակման օր նշանակեց:

Հիշեցնենք՝ ՀՀ Ոստիկանությունը պահանջում է պատասխանատվության ենթարկել Վ. Պետրոսյանին ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները:

Դատարանը նախապես վճռի հրապարակման օր էր նշանակել 2017 թ. հոկտեմբերի 30-ը, սակայն գործում առկա ապացույցները հետազոտելու նպատակով վերսկսեց դատաքննությունը:

Դեկտեմբերի 1-ին կայացած դատական նիստի ընթացքում դատարանը հակընդդեմ հայցվորին հարցեր ուղղեց ոստիկանության գործողությունները ոչ իրավաչափ ճանաչելու պահանջի և դրա ապացույցների վերաբերյալ: Վ. Պետրոսյանի ներկայացուցիչ Տաթևիկ Սիրադեղյանը հայտնեց, որ դա ապացուցվում է դատարան ներկայացված տեսանյութով:

Նա նշեց, որ ոստիկանների՝ հավաքը ցրելուց հետո այն մայթին չի շարունակվել և առհասարակ ցուցարարները հավաքը շուրջ 15 րոպե շարունակելու նպատակ են ունեցել, սակայն ոստիկանները խոչընդոտել են:

Ոստիկանության ներկայացուցիչ Ս. Մելիքյանը հակառակը պնդեց: Ըստ նրա՝ հավաքը շարունակվել է նաև մայթին և հասել է իր տրամաբանական ավարտին:

Հարցերի վերաբերյալ պարզաբանումներ ստանալուց հետո դատարանը վճռի հրապարակման օր նշանակեց 2017 թ. դեկտեմբերի 22-ը՝ ժամը 14:30-ը:

Գեղեցիկ Տոնոյան2017 թ. նոյեմբերի 22-ին ՀՀ Վարչական դատարանում շարունակվեց Մաշտոցի պողոտայի ցուցարար Գեղեցիկ Տոնոյանի գործով դատաքննությունը:

Հիշեցնենք՝ Ոստիկանությունը պահանջում է ցուցարարին պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Գ. Տոնոյանի ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը պահանջում է ոչ իրավաչափ ճանաչել ոստիկանների գործողությունները:

Դատական նիստի ընթացքում հետազոտվեց պատասխանող և հակընդդեմ հայցվոր կողմի ներկայացրած տեսանյութը, որի վերաբերյալ կողմերն արտահայտեցին իրենց կարծիքը։ Ապա կողմերը հանդես եկան ամփոփիչ խոսքով։

ՀՀ Ոստիկանության ներկայացուցիչը պնդեց, որ ոստիկանությունը հավաքը չի ցրել, հավաքը շարունակվել է նաև մայթին և հասել իր տրամաբանական ավարտին։ Նա նշեց, որ հավաքի մասնակիցները գտնվել են փողոցում, եղել են ճանապարհային երթևեկության մասնակից և չպետք է խախտեին այլ անձանց իրավունքները։ Ս․ Մելիքյանն իրավաչափ որակեց հավաքի մասնակիցների նկատմամբ ֆիզիկական ուժի գործադրումը, միաժամանակ, անդրադառնալով պատասխանող կողմի այն պնդմանը, որ ոստիկանները պարտավոր էին ներկայանալ, նշեց, որ նրանք եղել են ծառայողական համազգեստով։

Ամփոփիչ խոսքով հանդես եկավ նաև պատասխանող և հակընդդեմ հայցվոր Գ․ Տոնոյանի ներկայացուցիչ Տ. Սիրադեղյանըը։ Վերջինս նշեց, որ ՀՀ Վարչական իրավախախտումների վերաբերյալ օրենսգրքի 180․1 հոդվածի 11-րդ մասով նախատեսված իրավախախտման վերաբերյալ արձանագրություն չի կազմվել և դատարան չի ներկայացվել, հետևաբար՝ անկախ արարքը կատարելու փաստից, Գ․ Տոնոյանը չի կարող այդ արարքի կատարման համար ենթարկվել վարչական պատասխանատվության։ Ապա հավելեց, որ պատասխանողը հավաքի բնականոն ընթացքին խոչընդոտող որևէ գործողություն չի կատարել։ ՀՀ Ոստիկանությունը որևէ ապացույց չի ներկայացրել Գ․ Տոնոյանին պահանջ ներկայացնելու մասին, հետևաբար այդ մասով ևս պատասխանատվության չպետք է ենթարկվի:

Տ․ Սիրադեղյանը խնդրեց ամբողջությամբ մերժել ոստիկանության հայցը։

Հակընդդեմ հայցի մասով Տ․ Սիրադեղյանը պնդեց, որ հավաքը խաղաղ բնույթ է կրել, իսկ այդ դեպքում ոստիկանությունը պարտավոր էր աջակցել հավաքին, ընդ որում՝ ոստիկանները պարտավոր էին ներկայանալ անկախ նրանից՝ համազգեստով են եղել, թե՝ ոչ: Հակընդդեմ հայցվորի ներկայացուցիչը իրավաչափ չհամարեց նաև Գ․ Տոնոյանի նկատմամբ ֆիզիկական ուժի գործադրումը և խնդրեց ամբողջությամբ բավարարել հակընդդեմ հայցը։

Դատաքննությունն այսքանով ավարտվեց․ վճիռը կհրապարակվի 2017 թ․ դեկտեմբերի 13-ին՝ ժամը 17։00-ին։

2017 թ. նոյեմբերի 8-ին ՀՀ Վարչական դատարանում սկսվեց Մաշտոցի պողոտայի ցուցարար Գեղեցիկ Տոնոյանի գործով դատաքննությունը:

Հիշեցնենք՝ Ոստիկանությունը պահանջում է ցուցարարին պատասխանատվության ենթարկել ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Գ. Տոնոյանի ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը պահանջում է ոչ իրավաչափ ճանաչել ոստիկանների գործողությունները:

ՀՀ Ոստիկանության ներկայացուցիչ Ս․ Մելիքյանն իր բացման խոսքում պնդեց ներկայացված հայցադիմումը՝ Գ․ Տոնոյանի իրավախախտումներ կատարելու մասով, և հակընդդեմ հայցադիմումի դեմ ներկայացված առարկությունները:

Ի պատասխան Գ. Տոնոյանի ներկայացուցչի հարցերին՝ Ս․ Մելիքյանը հայտնեց, որ հավաքի մասնակիցները խախտել են հավաքի բնականոն ընթացքն այնքանով, որ փակել են փողոցի երթևեկելի հատվածը, խոչընդոտել երթևեկությանը։  Միաժամանակ նշեց, որ ոստիկանության ծառայողները չեն իմացել, թե ինչ հավաք է իրականացվում, բարձրախոսով պահանջ չեն ներկայացրել։

Պատասխանող կողմն առարկեց հայցի դեմ՝ նշելով, որ Գ․ Տոնոյանի արարքում բացակայում են ՀՀ Վարչական իրավախախտումների վերաբերյալ օրենսգրքի 180․1-րդ հոդվածի 11-րդ և 15-րդ մասերով նախատեսված իրավախախտումները, քանի որ վերջինս հավաքի բնականոն ընթացքին խոչընդոտող որևէ գործողություն չի կատարել, բացի դրանից՝ նրան օրենքով նախատեսված որևէ  պահանջ չի ներկայացվել։ Այդպիսով՝ Տ․ Սիրադեղյանը խնդրեց ամբողջությամբ մերժել ՀՀ Ոստիկանության հայցը։

Գ․ Տոնոյանի ներկայացուցիչը ներկայացրեց նաև հակընդդեմ հայցով բացման խոսքը: Նշեց, որ հավաքի ժամանակ ՀՀ Ոստիկանության աշխատակիցների գործողությունները չեն բխել ՀՀ օրենսդրության պահանջներից և խախտել են հակընդդեմ հայցվորի` ՀՀ Սահմանադրությամբ ու Մարդու իրավունքների և հիմնարար ազատությունների պաշտպանության մասին եվրոպական կոնվենցիայով ամրագրված՝ անձնական ազատության և անձեռնմխելիության, ազատ տեղաշարժի, խոշտանգումներից, անմարդկային, արժանապատվությունը նվաստացնող վերաբերմունքից զերծ մնալու, կարծիքի ազատ արտահայտման և հավաքների ազատության իրավունքները: Մասնավորապես՝ հավաքի մասնակիցներն առանց հիմքերի ցրել են հավաքը, անհիմն վարչական ձերբակալման ենթարկել Գ․ Տոնոյանին, այդ ընթացքում թույլ տալով ձերբակալման կարգի խախտումներ, ինչպես նաև անհիմն ֆիզիկական ուժ են գործադրել նրա նկատմամբ։ Տ․ Սիրադեղյանը խնդրեց ոչ իրավաչափ ճանաչել ՀՀ Ոստիկանության գործողությունները:

Ապացույցների հետազոտման փուլում պատասխանողի ներկայացուցիչը դիրքորոշում հայտնեց, որ վարչական իրավախախտման վերաբերյալ արձանագրությունը կազմվել է օրենքի խախտմամբ, քանի որ դրանում բացակայում է ՀՀ Վարչական իրավախախտումների վերաբերյալ օրենսգրքի 180․1-րդ հոդվածի 11-րդ մասով նախատեսված իրավախախտման էությունը, մասնավորապես, արձանագրությունում, որպես կատարված իրավախախտում նշված է միայն օրինական պահանջը չկատարելը: ՀՀ  Ոստիկանության ներկայացուցիչը հակադարձեց, որ հավաքի բնականոն ընթացքը խոչընդոտող գործողություններ կատարելու հիմքով է ներկայացվել պահանջը։

Դատական նիստի ընթացքում հետազոտվեց հայցվոր կողմի ներկայացրած տեսանյութը։ Պատասխանող կողմի ներկայացրած տեսանյութը տեխնիկական պատճառով հնարավոր չեղավ հետազոտել դատական նիստում, ուստի՝ Տ․ Սիրադեղյանը խնդրեց դատական նիստը հետաձգել՝ տեսանյութի այլ օրինակ դատարան ներկայացնելու համար։

Դատական նիստը հետաձգվեց և նշանակվեց 2017 թ․ նոյեմբերի 22-ին՝ ժամը 16։30-ին։

download (7)Այսօր՝ 2017 թ. հոկտեմբերի 30-ին, ՀՀ Վարչական դատարանը պետք է հրապարակեր  ցուցարար Վահրամ Պետրոսյանի գործով վճիռը:

Նախապես վճռի հրապարակման օր էր նշանակված 2017 թ. հոկտեմբերի 27-ը, սակայն դատավորի զբաղվածության պատճառով այն հետաձգվել էր:

Այսօր էլ դատարանը հայտարարեց գործի դատաքննությունը վերսկսելու մասին: Դրա շրջանակում ապացույցները հետազոտելու անհրաժեշտություն կա:

Հաջորդ դատական նիստը նշանակվեց 2017 թ. դեկտեմբերի 1-ին՝ ժամը 12:00-ին:

Հիշեցնենք՝ ՀՀ Ոստիկանությունը պահանջում է պատասխանատվության ենթարկել Վ. Պետրոսյանին ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները:

download (7)2017 թ. հոկտեմբերի 6-ին ՀՀ Վարչական դատարանում հարցաքննվեցին ցուցարար Վահրամ Պետրոսյանի գործով որպես վկա ներգրավված ոստիկանները:

Հիշեցնենք՝ ՀՀ Ոստիկանությունը պահանջում է պատասխանատվության ենթարկել Վ. Պետրոսյանին ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները:

Դատական նիստին ներկա էին հայցվոր և հակընդդեմ պատասխանող ՀՀ Ոստիկանության ներկայացուցիչ, ՀՀ Ոստիկանության Երևան քաղաքի վարչության Կենտրոնական բաժնի իրավախորհրդատու Սոնա Մելիքյանը, պատասխանող և հակընդդեմ հայցվոր Վահրամ Պետրոսյանը, վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը։

Դատական նիստի ընթացքում հարցաքննվեցին ՀՀ Ոստիկանության ՊՊԾ գնդի ծառայողներ Էդգար Ռշտունին և Գագիկ Ավագյանը։

Է․ Ռշտունին իր ցուցմունքում նշեց, որ 2016 թ․ մարտի 24-ին, ռադիոկապով հրահանգ ստանալով, Մաշտոցի պողոտայում կազմակերպված հավաքի վայր են գնացել: Նշեց, որ հիշում է Վ. Պետրոսյանին, վերջինիս անձամբ պահանջ է ներկայացրել ազատել փողոցի երթևեկելի հատվածը։ Վկան հայտնեց, որ հավաքի ընթացքում իր կողմից ինչպես ընդհանրական, այնպես էլ անհատական պահանջ է ներկայացվել հավաքի մասնակիցներին։ Նա մանրամասն տեղեկություներ չէր հիշում Վ․ Պետրոսյանի ձերբակալության վերաբերյալ, սակայն, նշեց, որ պահանջից բացի՝ այլ բան չի ներկայացվել հավաքի մասնակիցներին։ Է․ Ռշտունին չկարողացավ հիշել իր կողմից կազմված զեկուցագրում նշված այլ անձանց տվյալները։

Ոստիկանության ՊՊԾ գնդի մյուս ծառայող Գ․ Ավագյանն իր ցուցմունքում հայտնեց, որ մանրամասները չի հիշում, հիշում է, որ գալով հավաքի վայր՝ լսել է, թե ինչպես Է․ Ռշտունին գոռում, որ հավաքի մասնակիցներն ազատեն փողոցը։ Նա նշեց, որ անձամբ պատասխանողին պահանջ ներկայացնելը չի տեսել, ինքը ձերբակալություններ չի իրականացրել։

Վկաների ցուցմունքից հետո պատասխանողի ներկայացուցիչը միջնորդեց գործով ևս երկու անձի որպես վկա ներգրավվելու մասին։ Նա նշեց, որ ենթադրյալ պահանջը ներկայացվելու պահին Վ․ Պետրոսյանի հետ միևնույն տարածքում են գտնվել հավաքի երկու այլ մասնակիցներ, ովքեր կարող են ցուցմունք տալ պահանջ ներկայացված լինելու կամ չլինելու վերաբերյալ։ Հայցվոր կողմն առարկեց միջնորդության դեմ։ Դատարանը որոշեց միջնորդությունը մերժել՝ բավարար համարելով գործում առկա ապացույցները։

Դատարանն անցավ դատական վիճաբանությունների փուլին։ Ամփոփելով դատավարության ընթացքը՝ ՀՀ Ոստիկանության ներկայացուցիչը խնդրեց հայցը բավարարել, իսկ հակընդդեմ հայցը մերժել, իր հերթին Վ․ Պետրոսյանի ներկայացուցիչը խնդրեց ամբողջությամբ մերժել ՀՀ Ոստիկանության հայցը և ամբողջությամբ բավարարել հակընդդեմ հայցը։

Դատարանը գործի քննությունը համարեց ավարտված: Դատական ակտը կհրապարակվի 2017 թ․ հոկտեմբերի 27-ին՝ ժամը 17։30-ին։

download (7)2017 թ. սեպտեմբերի 8-ին ՀՀ Վարչական դատարանում շարունակվեց 2016 թ. մարտին Մաշտոցի պողոտայում անցկացված ցույցի մասնակից Վ. Պետրոսյանի գործի քննությունը:

Ոստիկանությունը պահանջում է պատասխանատվության ենթարկել վերջինիս ՀՀ Վարչական իրավախախտումների վերաբերյալ օրենսգրքի 180.1-րդ հոդվածի 11-րդ և 15-րդ կետերի պահանջներով: Իսկ Վ. Պետրոսյանն ու վերջինիս ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տ. Սիրադեղյանը հակընդդեմ հայցով պահանջում են ոչ իրավաչափ ճանաչել ՀՀ Ոստիկանության՝ հավաքը ցրելու, իրեն ձերբակալելու, ֆիզիկական ուժ գործադրելու գործողությունները:

Այս դատական նիստին հետազոտվեցին դեպքի վերաբերյալ լրատվամիջոցներով տարածված տեսանյութերը: Դրանցում ոստիկանության աշխատակիցները խոսում են Վ. Պետրոսյանի հետ: ՀՀ Ոստիկանության ներկայացուցիչ Սոնա Մելիքյանի պնդմամբ՝ դա փաստում է այն մասին, որ ոստիկանները նրան պահանջ են ներկայացրել:

Ապացույցները հետազոտելուց հետո դատարանը որոշեց գործով որպես վկա ներգրավվել պատասխանող Վ․ Պետրոսյանին, որը չառարկեց ցուցմունք տալ։ Դատարանի և կողմերի հարցերին ի պատասխան՝ Վ․ Պետրոսյանը հայտնեց, որ ոստիկանության աշխատակիցների կողմից իրեն վարչական իրավախախտման վերաբերյալ արձանագրության մեջ նշված պահանջը չի ներկայացվել, ավելին՝ հավաքի ընթացքում ինչպես ընդհանրական, այնպես էլ անձամբ իրեն որևէ պահանջ չի ներկայացվել։ Նա նշեց նաև, որ ձերբակալելու ժամանակ չեն պարզաբանվել ձերբակալման հիմքերը, իր կարգավիճակից բխող իրավունքներն ու պարտականությունները։

Դատական նիստի ընթացքում դատարանը հայցվոր կողմի ներկայացուցչից պարզեց, թե ոստիկանության որ աշխատակիցներն են պահանջ ներկայացրել Վ․ Պետրոսյանին և որոշեց գործով որպես վկա ներգրավել և հարցաքննել ՀՀ Ոստիկանության ՊՊԾ գնդի ծառայողներ Է. Ռշտունուն և Գ. Ավագյանին։

Հաջորդ դատական նիստը 2017 թ. հոկտեմբերի 6-ին է՝ ժամը 11:30-ին:

Հրապարակումների արխիվ
Միջոցառումների արխիվ
April 2019
M T W T F S S
« Sep    
1234567
891011121314
15161718192021
22232425262728
2930