«Բժշկական ծառայությունների հետ կապված զորակոչիկների և զինծառայողների մարդու իրավունքների խախտումների վիճակի մասին» զեկույցի ներկայացում
06:56, December 20, 2012 | Մամլո հաղորդագրություններ | Զինծառայողների/Զորակոչիկների իրավունքներ | Զինված ուժեր«Գործընկերություն հանուն բաց հասարակության» նախաձեռնությունը համագործակցելով Հելսինկյան Քաղաքացիական Ասամբլեայի Վանաձորի գրասենյակի և Մարդու իրավունքների ցանցի հետ, հրավիրում են Ձեզ մասնակցելու ՀՔԱՎ գրասենյակի կողմից պատրաստված «Բժշկական ծառայությունների հետ կապված զորակոչիկների և զինծառայողների մարդու իրավունքների խախտումների վիճակի մասին» զեկույցի շնորհանդեսին և դրա քննարկմանը:
Միջոցառումը տեղի կունենա ս.թ. դեկտեմբերի 21-ին, ժամը`12:00-ին, Կոնգրես հյուրանոցի Բոլլ սրահում:
Քննարկմանը հրավիրված են ՀՀ պետական պաշտոնյաներ, ՀՀ-ում հավատարմագրված դեսպաններ, միջազգային կազմակերպությունների, քաղաքացիական հասարակության և լրատվամիջոցների ներկայացուցիչներ:
Կից ներկայացնում ենք քննարկման օրակարգը:
Անգլերեն-հայերեն և հայերեն-անգլերեն համաժամանակյա թարգմանությունը ապահովվում է:
Խնդրում ենք հաստատել Ձեր մասնակցությունը մինչև ս.թ. դեկտեմբերի 20-ը, ժամը`15:00 (հեռ.` 533862; 536758, կամ էլ. հասցե` karine@osi.am):
Ակնկալում ենք Ձեր ներկայությունը և ակտիվ մասնակցությունը: