«Արտ-լաբորատորիա» մշակութային ՀԿ-ի ներկայացուցիչները Վանաձորում
08:02, July 19, 2012 | Նորություններ | Ընտրական իրավունք2012 թ. հուլիսի 21-ին՝ ժամը 14:00-ին, Հելսինկյան Քաղաքացիական Ասամբլեայի Վանաձորի գրասենյակում տեղի կունենա հանդիպում «Արտ-լաբորատորիա» ՀԿ-ի ներկայացուցիչների հետ:
Հանդիպման ընթացքում «Արտ-լաբորատորիա» ՀԿ-ի ներկայացուցիչները կներկայացնեն «Թումանյանական ընթերցումներ» ցուցահանդեսը, նվիրված Հայաստանում լայն տարածում գտած ընտրակաշառքին, որի խորհրդանիշն է 5000 դրամանոցը` բանաստեղծ Հ. Թումանյանի պատկերով:
Կցուցադրվի նաև կարճամետրաժ ֆիլմ, որից հետո նախատեսվում է քննարկում:
Նշենք նաև, որ Արտ լաբի գործունեության նպատակն է արձագանքել հասարակությունում տեղի ունեցող սոցիալ–քաղաքական հրատապ իրադարձություններին և բացահայտել այն չերևացող մեխանիզմները, որոնք նպաստում են բռնատիրական հասարակարգերի կայացմանը:
«Արտ- լաբորատորիայի» իրականացրած ակցիաները, կամ քաղաքական համատեքստով արված սթրիթ-արտերը դուրս են զուտ մշակութային պատկերացման շրջանակներից: Դրանք մոբիլիզացիա հիշեցնող գործողություններ են` միտված ուղղակի ազդեցողություն գործելու հասարակության և քաղաքականության վրա:
Խնդրում ենք հաստատել Ձեր մասնակցությունը` 0322 422 68 հեռախոսահամարով կամ aghambaryan@hcav.am էլ-փոստի հասցեով:
Կից ներկայացվում է «Արտ-լաբորատորիա» մշակութային ՀԿ-ի ֆեյսբուքյան էջի հղումը՝ http://www.facebook.com/groups/131022313580934/: