Աղասի Աբրահամյանի գործով ձերբակալվածներ կան, հնարավոր է նոր ձերբակալություններ էլ լինեն
00:00, August 31, 2011 | Նորություններ | Զինծառայողների/Զորակոչիկների իրավունքներ, Կյանքի իրավունք | Զինված ուժերՕգոստոսի 26-ին Լեռնային Ղարաբաղի “Եղնիկներ” զորամասում մահացած ժամկետային զինծառայող, 1992թ ծնված Աղասի Աբրահամյանի գործով ձերբակալվածներ կան: Այս մասին Henaran.am-ին տեղեկացրեց պաշտպանության նախարարի մամլո քարտուղար Դավիթ Կարապետյանը։
Զերբակալվել են մեկ սպա եւ մեկ զինվոր: «Բացահայտված է այն անձանց շրջանակը, ովքեր կարող էին մասնակցած լինել նրա նկատմամբ բռնության կիրառմանը, չի բացառվում, որ առաջիկայում գործի առնչությամբ նոր ձերբակալություններ լինեն»,- Henaran.am-ին ասել է Դավիթ Կարապետյանը:
Ձերբակալվածների անունները նախաքննության շահերից ելնելով և նրանց ընտանիքների անվտանգության նկատառումներով դեռևս չեն հրապարակում։ Հիշեցնենք, որ Աղասի Աբրահամյանը զորամասից անգիտակից վիճակում տեղափոխվել էր զինվորական հոսպիտալ, որտեղ էլ մահացել էր: Զինծառայողի մարմնին բռնության բազմաթիվ հետքեր են հայտնաբերվել:
Ինչպես Henaran.am-ը տեղեկացրել էրեերկ պաշտպանության նախարար Սեյրան Օհանյանը լրագրողներին ասել էր, որ բացահայտվել է այն անձանց շրջանակը, ովքեր կարող էին ծեծած լինել զինվորին: Նախարարը հաստատել էր զինվորի վր արտաքին ներգործության փաստը:
Աղբյուրը՝ http://henaran.am/?p=33424