0 8000 12 11

Հայկական բանակում զոհված զինծառայող Գևորգ Կոծինյանի իրավահաջորդները երեկ դիմել են Մարդու իրավունքների եվրոպական դատարան: Ըստ դիմումի՝ Կոծինյանի մահվան դեպքում խախտվել են մարդու իրավուքների Կոնվենցիայի 2-րդ (Կյանքի իրավունք), և 3-րդ հոդվածները (հոգեբանական ճնշում):

Հիշեցնենք, որ Կոծինյանի կյանքի իրավունքի խախտման փաստն ընդունելու և նրա իրավահաջորդներին բարոյական վնասի 5 միլիոն դրամ փոխատուցում տալու մասին հայցը չի ընդունվել Հայաստանի դատարաներում՝ վերջին անգամ մերժվելով  Վռճաբեկ դատարանի կողմից մայիս ամսին: Տուժող կողմը 5 միլիոն դրամ է պահանջում պետությունից:

Ըստ իրավահաջորդների իրավաբան Կարեն Թումանյանի՝ պետք է ընդունել, որ կատարված սպանության համար պետությունը պատասխանատու է, որովհետև զինծառայողը գտնվում էր պետական մարմնի հսկողության տակ:

Հիշեցնենք, որ 2011թ. փետրվարի 6-ին ԼՂՀ Պաշտպանության բանակի Արայի լեռ բնակավայրի մոտ գտնվող զորամասում սպանված 19-ամյա Գևորգ Կոծինյանը դաժան ծեծի էր ենթարկվել իր 4 ծառայակիցների կողմից, ովքեր եղել են ալկոհոլի ազդեցության տակ: Կոծինյանին ծեծած կրտսեր սերժանտ Մարգար Դավթյանը դատապարտվել է 11,5 տարվա, շարքայիններ Տարոն Սուվարյանին և Վահե Աղաջանյանին՝ 11, ավագ լեյտենանտ Արմեն Ռաֆայելյանը՝ 3 տարվա ազատազրկման։ Արմեն Ռաֆայելյանի նկատմամբ կիրառվել է համաներում և նա ազատ է արձակվել:

Դիմումը Եվրադատարանում ընթացիկ համար է ստանալու 50 օրվա ընթացքում, իսկ վճիռը կայացվելու է 3-4 տարվա ժամկետում:

Աղբյուրը՝ http://www.epress.am/2012/09/26/%D4%B2%D5%A1%D5%B6%D5%A1%D5%AF%D5%B8%D6%82%D5%B4-%D5%A6%D5%B8%D5%B0%D5%BE%D5%A1%D5%AE-%D5%B0%D5%A1%D5%B5%D5%A1%D5%BD%D5%BF%D5%A1%D5%B6%D6%81%D5%AB-%D5%A6%D5%AB%D5%B6%D5%BE%D5%B8%D6%80%D5%AB-%D5%A3.html

Գևորգ Կոծինյանի գործով նախորդ հոդվածը՝ http://archive.hcav.am/events/գևորգ-կոծինյանի-կյանքի-իրավունքի-խախ