0 8000 12 11

Կուսակցական գործունեությունը ուսումնական հաստատություններում խոսում է ճնշումների մասին: «Առաջին լրատվական»-ի հետ զրույցում նման տեսակետ հայտնեց իրավապաշտպան Արթուր Սաքունցը`պատասխանելով այն հարցին, թե կուսակցություններն իրավունք ունե՞ն գործունեություն ծավալել ուսումնական հաստատություններում:

«Ուսումնական հաստատություններում կուսակցական գործունեություն իրականացնելու տենդենցը սկսվել է դեռևս նախորդ ընտրությունների ժամանակ. որոշ հաստատություններում ՀՅԴ անդամներին էին անդամագրում, իսկ հետո՝ «Օրինաց երկիր» կուսակցության: Ես մարդու իրավունքի կոպիտ ոտնահարում եմ գնահատում այն, որ ըստ էության մարդկանց պարտադրում են անդամագրվել, որովհետև եթե նա չհամաձայնվի որևէ կուսակցության անդամ դառնալ, ապա կարող է կորցնել աշխատանքը, կարող է նաև իր բիզնեսի հետ կապված խնդիրներ ունենալ»,-մեկնաբանեց իրավապաշտպանը` հավելելով, որ դրա վերաբերյալ բազմաթիվ օրինակներ կան: Նրա կարծիքով` եթե ուսումնական հաստատությունում է տեղի ունենում նման կուսակցական ժողով, այլ ոչ թե կուսակցության շտաբում, դա արդեն խոսում է նաև որոշ ապակուսակցական կառույցների կողմից ակնհայտ ճնշման դրսևորման մասին, որը իրավունքի կոպիտ ոտնահարում է:

«Ավելի մեծ խախտում է երբ աշխատանքային ժամի են նման գործունեություն իրականացնում»,- ընդգծեց իրավապաշտպան Արթուր Սաքունցը:

Աղբյուրը` http://1in.am/arm/armenia_right_41674.html