ՀՔԱ Վանաձորի գրասենյակը Նարեկ Ափինյանի գործով վերաքննիչ բողոք է ներկայացրել
12:22, October 16, 2012 | Մամլո հաղորդագրություններ | Արդար դատաքննության իրավունք, Խոշտանգումներից և անմարդկային կամ արժանապատվությունը նվաստացնող վերաբերմունքից զերծ մնալու իրավունք | Ոստիկանություն2012 թ. հոկտեմբերի 15-ին Հելսինկյան Քաղաքացիական Ասամբլեայի Վանաձորի գրասենյակը ՀՀ վերաքննիչ քրեական դատարան բողոք է ներկայացրել ոստիկանության բաժնում բռնության ենթարկված Նարեկ Ափինյանի գործով:
Կազմակերպությունը պահանջում է բեկանել ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2012 թ. հոկտեմբերի 8-ի որոշումը, վերացնել ՀՀ հատուկ քննչական ծառայության քննիչ Գ. Հովակիմյանի կողմից քրեական գործի հարուցումը մերժելու մասին որոշումը և ՀՀ գլխավոր դատախազությանը պարտավորեցնել կազմակերպության կողմից ներկայացված դիմում-բողոքի վերաբերյալ կայացնել որոշում:
Հիշեցնենք, որ 2012 թ. օգոստոսի 17-ին՝ գիշերը 23:30-00:00-ի սահմաններում, ոստիկանության աշխատակիցները աշխատանքի վայրից բերման են ենթարկել Ն. Ափինյանին, իբր նա ականատես է եղել ինչ-որ ծեծկռտուքի: Այնուհետև ոստիկանության աշխատակիցների կողմից ենթարկվել հոգեբանական և ֆիզիկական բռնությունների, անմարդկային և արժանապատվությունը նվաստացնող վերաբերմունքի:
Կից ներկայացվում է վերաքննիչ բողոքը:
Գործի վերաբերյալ նախորդ հոդվածը՝ http://archive.hcav.am/events/դատարանը-հերթական-անգամ-կոծկեց-իրավա