ՀՔԱ Վանաձորի գրասենյակը ստացավ ”Վահան” օպերացիայի որոշման պատճենը
00:00, November 25, 2009 | Մամլո հաղորդագրություններ | Տեղեկատվության եւ խոսքի ազատություն2009 թ. նոյեմբերի 23-ին ՀՀ վարչական դատարանում կայացավ ՀՀ ոստիկանությանը տեղեկատվություն տրամադրելու պահանջի վերաբերյալ Հելսինկյան Քաղաքացիական Ասամբլեայի Վանաձորի գրասենյակի հայցի քննությունը:
2009 թ. մայիսի 6-ին ՀՔԱ Վանաձորի գրասենյակը դիմել է ՀՀ ոստիկանություն` խնդրելով՝ տրամադրել ՀՀ ոստիկանապետի այն հրամանի պատճենը, որով Հայաստանի Հանրապետության տարածքում իրականացվել է ”Վահան” անունը կրող օպերացիան, սակայն ամբողջական պատասխան չի ստացել:
Ոստիկանության կողմից ստացվել է մի պատասխան, որտեղ գրված է, որ ”Վահան” օպերացիայի մասին բոլոր տեղեկությունները կարելի է ստանալ www.police.amէլեկտրոնային կայքից, սակայն հրամանի պատճենը չի եղել կայքում: Դրանից հետո ՀՔԱ Վանաձորի գրասենյակը նորից նույն խնդրանքով գրություն է ուղարկել ՀՀ ոստիկանություն, իսկ պատասխան գրության մեջ նշվել է, որ ”Վահան” օպերացիան իրականցվել է ՀՀ ոստիկանության պետի համապատասխան հրամանով: Հաջորդ գրությամբ գրասենյակը պահանջել էր հրամանի պատճեն, որում հստակ ամրագրված լինի հրամանի անվանումը, հրամանի արձակման ամսաթիվը, գործողության ժամկետը և բովանդակությունը: ՀՔԱ Վանաձաորի գրասենյակը գրավոր պատասխան չի ստացել, սակայն գրասենյակի աշխատակիցը հեռախոսազրույցի միջոցով պարզել է, որ տեղեկատվության մասին զեկուցվել է շտաբի պետին, ով էլ այդ մասին զեկուցել է ՀՀ ոտիկանապետին: Չնայած այս ամենին՝ ՀՔԱ Վանաձորի գրասենյակը այդպես էլ չստացավ որոշման պատճենը:
ՀՔԱ Վանաձորի գրասենյակը դիմել է ՀՀ վարչական դատարան, ՀՀ ոստիկանությանը տեղեկատվություն տրամադրելու պահանջի վերաբերյալ:
Հայցադիմումը ստանալուց հետո ՀՀ ոստիկանության կողմից ՀՔԱ Վանաձորի գրասենյակը ստացել է որոշման պատճենը: