Ոստիկանները հետաքրքրված են ՀՀՇ կանոնադրությամբ, որսորդական հրացանով
00:00, March 12, 2008 | Ոստիկանություն, Քաղաքացիական վերահսկողություն
2008թ. մարտի 12-ին ոստիկանության Վանաձորի բաժնի աշխատակիցները խուզարկության արդյունքում վերցրել են ՀՀՇ 1989թ. կանոնադրությունը:
Ժամը 13:00-ի սահմաններում ոստիկանության աշխատակիցները խուզարկել են Լևոն Տեր-Պետրոսյանի համակիր Վահագն Մարտիրոսյանի բնակարանը: Խուզարկության արդյունքում իրենց հետ տարել են ՀՀՇ-ի 1989թ. կանոնադրության նախագիծը: Փաստի առթիվ տեղում կազմվել է արձանագրություն:
Ոստիկաններին հետաքրքել է նաև Լոռու մարզի որսորդական միության տեսուչի որսորդական հրացանը:
Մարտի 12-ին՝ ժամը 17:00-ի սահմաններում, ոստիկանության Վանաձորի բաժնի աշխատակիցները խուզարկել են Լևոն Տեր-Պետրոսյանի համակիր Սասունց Սերյանյանի բնակարանը: Խուզարկության արդյունքում նրանք տարել են Լոռու մարզի որսորդմիության տեսուչ Սասունց Սեյրանյանի օրինական փաստաթղթերով պահվող որսորդական հրացանը: