Ժ. Բ. Օզկիրիսյանի (Շանթ Ոսկերչյան) գործը Վերաքննիչ վարչական դատարանում է
18:12, February 1, 2017 | Մամլո հաղորդագրություններ | Ջ. Բ. Օզկիրիսյան (Շանթ Ոսկերչյան)
Տեղեկացնում ենք, որ 2017 թ. փետրվարի 2-ին՝ ժամը 10:00-ին, ՀՀ Վերաքննիչ վարչական դատարանում կկայանա «Հայկական վերածնունդ» կազմակերպության Փարիզի մասնաճյուղի համակարգող Ժեան-Բապտիստե Օզկիրիսյանի (Շանթ Ոսկերչյան) գործով ՀՀ Վարչական դատարանի 2016 թ. հուլիսի 26-ի որոշման դեմ վերջինիս ներկայացուցիչներ, ՀՔԱ Վանաձորի գրասենյակի փաստաբան Անի Չատինյանի և Կազմակերպության կողմից ներգրավված փաստաբան Արտուր Հարությունյանի բողոքի քննությունը:
Հիշեցնենք՝ ՀՀ Վարչական դատարան ներկայացված հայցով պահանջվել էր ոչ իրավաչափ ճանաչել ՀՀ Ազգային անվտանգության ծառայության այն գործողությունները, որով Ժեան-Բապտիստե Օզկիրիսյանի տվյալները ներառվել են ՀՀ տարածքում անցանկալի համարվող օտարերկրացիների տվյալների բանկում, անվավեր ճանաչել վարչական բողոքի վերաբերյալ 2015 թ. հոկտեմբերի 2-ի գրությամբ տրված մերժումը, ինչպես նաև պարտավորեցնել ՀՀ Ազգային անվտանգության ծառայությանը հայցվորի վերաբերյալ տվյալները հանել ՀՀ տարածքում անցանկալի համարվող օտարերկրացիների տվյալների բանկից: