Անի Բոշյանի գործով բողոքի քննությունը Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում
19:13, September 1, 2015 | Մամլո հաղորդագրություններՄամուլի հաղորդագրություն
ք. Վանաձոր 01.09.2015
Տեղեկացնում ենք, որ սույն թվականի սեպտեմբերի 2-ին՝ ժամը 12:00-ին ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում տեղի կունենա Վանաձոր քաղաքի ոստիկանության Տարոնի բաժնում բաժնի աշխատակիցների կողմից անմարդկային, արժանապատվությունը նվաստացնող վերաբերմունքի արժանացածև հոգեբանական ճնշումների ենթարկված Անի Բոշյանի գործով հերթական դատական նիստը:
Հիշեցնենք, որ 2014թ. նոյեմբերի 21-ին իրենց իրավունքների պաշտպանության համար ՀՔԱ Վանաձորի գրասենյակ էին դիմել Վանաձոր քաղաքի բնակիչներ Անի Բոշյանը, նրա հայրը՝ Հակոբ Բոշյանը և մայրը՝ Բավական Խաչատրյանը: Դիմումի հիման վրա ՀՔԱ Վանաձորի գրասենյակի կողմից հաղորդում էր ուղարկվել Հատուկ քննչական ծառայություն: 2014թ.-ի դեկտեմբերի 12-ին դեպքի առթիվ հարուցվել է քր. գործ, նախաքննության արդյունքում ՀՀ ՀՔԾ-ը որոշում է կայացրել կարճել հարուցված քր. գործը՝ հանցակազմի բացակայության հիմքով:
Անի Բոշյանի ներկայացուցիչներ Ա. Սաքունցը, Ա. Զալյանը և Հ. Բոշյանը վերոնշյալ որոշումը վերացնելու պահանջով դիմում-բողոք են ներկայացրել ՀՀ գլխավոր դատախազին: Մերժում ստանալով՝ դիմում-բողոք են ներկայացրել ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
ՀՔԱ Վանաձորի գրասենյակ
http://archive.hcav.am