«Առնվազն միամիտ կամ գիտակցված անգրագետ պետք է լինել՝ Սերժ Սարգսյանից և նրա իշխանությունից ակնկալիքներ ունենալու համար». Արթուր Սաքունց
18:43, July 2, 2017 | Այլ լրատվամիջոցներ, Նորություններ
2013թ. սեպտեմբերի 3-ից հետո, երբ մեկ գիշերվա ընթացքում Պուտինի հետ հանդիպումից հետո Սերժ Սարգսյանը միանձնյա որոշում կայացրեց Հայաստանի Հանրապետության անունից Եվրոպայի Միության Արևելյան գործընկերության Ասոցացման համաձայնագիրը չստորագրելու և Մաքսային, այնուհետև Եվրասիական տնտեսական միությանը անդամագրվելու մասին, որը բացարձակ մեծամասնությամբ ընդունվեց Ազգային ժողովի կողմից, և այդ պատկերը ոչ մի փոփոխություն չի կրել արդեն չորս տարի, առնվազն միամիտ պետք է լինել, կամ առնվազն գիտակցված անգրագետ, որպեսզի շարունակել ակնկալիքներ ունենալ Սերժ Սարգսյանից և նրա իշխանությունից՝ Հայաստանի Հանրապետության ներքին և հատկապես արտաքին քաղաքականության բնագավառներում որևէ զարգացումների հարցում:
Ջանքեր գործադրել այս իշխանություններից բովանդակային ինչ-որ փոփոխություններ ակնկալելու ուղղությամբ, երբ հենց այս իշխանությունն է այդ ակնկալվելիք փոփոխությունների խոչընդոտն, ուղղակի աջակցություն է իշխանությանը՝ պետության մասին սին մտահոգվածության սոուսով:
Մարդիկ ու հասարակությունն են Սերժ Սարգսյանի և նրա իշխանության քաղաքականությունից անմիջական տուժողներն ու տուժվածները:
Եթե իրապես մտահոգված եք պետության ժողովրդավարական, իրավական, ինքնիշխան, սոցիալական խնդիրներով, և նրա քաղաքացիների արժանապատիվ կյանքով, ապագայով, մարդկանց, հասարակության հետ աշխատեք, փոփոխությունների հասնելու համար, ոչ թե իշխանության: