Վանաձորի «Շող» ցերեկային կենտրոնում զորակոչիկների և զինծառայողների հարազատներին ներկայացվեց զորակոչի եւ զինծառայության վերաբերյալ օրենսդրությունը
12:47, November 2, 2017 | Նորություններ, Սեփական լրատվություն | Զինծառայողների/Զորակոչիկների իրավունքներ
2017 թ. հոկտեմբերի 24-ին ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանը Վանաձորի «Շող» ցերեկային կենտրոնի հրավերով զորակոչիկների և զինծառայողների իրավունքների վերաբերյալ հանդիպում ունեցավ Կենտրոնի շահառու երեխաների ծնողների հետ:
Ա. Սադիկյանը մասնակիցներին ներկայացրեց զորակոչի նախապատրաստման ու անցկացման գործընթացի կարգավորումները, զորակոչիկների իրավունքներն ու պարտականությունները, զինծառայությանն առնչվող իրավական ակտերը, զինծառայությանը պիտանիության հիմքերը, զինծառայության տեսակներն ու դրա ընթացքում զինծառայողների իրավունքներն ու պարտականությունները:
Բացի դրանից՝ անդրադարձ կատարեց զորակոչի և զինծառայության վերաբերյալ օրենսդրական նախագծով առաջարկվող փոփոխություններին:
Հանդիպման ընթացքում քննարկվեցին կոնկրետ դեպքեր, մասնակիցները խորհրդատվություն ստացան դրանց վերաբերյալ: Մասնակիցները նաեւ հետաքրքրված էին զորակոչիկների առողջական խնդիրների եւ դրանց առկայությամբ զինվորական ծառայություն իրականացնելու վերաբերյալ պարզաբանումներով:
ՀՔԱ Վանաձորի գրասենյակը պատրաստակամ է առաջարկի դեպքում համանման դասընթացներ անցկացնել այլ վայրերում ևս:
Լուսանկարները՝ Վանաձորի «Շող» ցերեկային կենտրոնի ֆեյսբուքյան էջից