ՄԻԵԿ 5-րդ և 13-րդ հոդվածներով նախատեսված իրավունքների սկզբունքները և դրանց կիրառությունը, ՄԻԵԴ Կանոնների 39-րդ կանոնով նախատեսված միջանկյալ միջոցի միջնորդության չափանիշները
18:39, July 21, 2015 | Հայտարարություններ, Սեփական
2015 թ. հուլիսի 30-ին Հելսինկյան Քաղաքացիական Ասամբլեայի Վանաձորի գրասենյակը Մարդու իրավունքների պաշտպանության եվրոպական կենտրոնի (www.ehrac.org.uk) հետ համատեղ իրականացվող ծրագրի շրջանակներում հրավիրում է փաստաբանների և մարդու իրավունքների պաշտպանությամբ զբաղվող իրավաբանների՝ մասնակցելու թեմատիկ աշխատանքային քննարկման: Աշխատանքային քննարկման թեման է «ՄԻԵԿ 5-րդ և 13-րդ հոդվածներով նախատեսված իրավունքների սկզբունքները և դրանց կիրառությունը, ՄԻԵԴ Կանոնների 39-րդ կանոնով նախատեսված միջանկյալ միջոցի միջնորդության չափանիշները»:
Սույն աշխատանքային քննարկումը ֆինանսավորվում է Եվրոպական միության կողմից:
Դասընթացը կվարի Մարդու իրավունքների պաշտպանության եվրոպական կենտրոնի իրավական խորհրդական Վահե Գրիգորյանը (www.ehrac.org.uk): Վ. Գրիգորյանը Մարդու իրավունքների պաշտպանության եվրոպական կենտրոնում աշխատում է 2013 թ.-ից: Վ. Գրիգորյանը, որպես փաստաբան, ունի մեծ փորձ քրեական և քաղաքացիական դատավարության ոլորտում և Հայաստանի Սահմանադրական դատարանում ընտրական և սահմանադրական այլ վեճերի լուծման ոլորտներում: Նա նաև մասնագիտացված է Մարդու իրավունքների եվրոպական դատարանում քննվող գործերով, ավարտել է Երևանի պետական համալսարանը և Նոթինգհեմի համալսարանը (LLM Մարդու իրավունքներ):
Կից ներկայացվում է աշխատանքային քննարկման օրակարգը:
Թեմատիկ աշխատանքային քննարկումը տեղի կունենա հուլիսի 30-ին` ժամը 9:30-18:20, ՀԿ Կենտրոնի դահլիճում՝ ք. Վանաձոր, Նժդեհի 14, 401 սենյակ:
Հարցերի դեպքում կարող եք դիմել Օֆելյա Զալյանին. էլփոստ՝ ozalyan@hcav.am, հեռ. 0322 42268 կամ 094 042268:
Թեմատիկ աշխատանքային քննարկմանը մասնակցել ցանկացողներին խնդրում ենք գրանցվել ստորև:
Կանխավ շնորհակալ ենք համագործակցության համար: