Դատարանը բավարարեց զորակոչիկի հայցը. 10 ամսով տարկետում տրամադրելու ԿԲՀ որոշումը կվերացվի
14:49, July 28, 2017 | Նորություններ, Սեփական լրատվություն | Զինծառայողների/Զորակոչիկների իրավունքներ | Զինված ուժեր
Այսօր՝ 2017 թ. հուլիսի 28-ին, ՀՀ Վարչական դատարանը, Կ. Բաղդասարյանի նախագահությամբ, հրապարակեց ՀՀ Կենտրոնական բժշկական հանձնաժողովի դեմ զորակոչիկ Հովհ. Մոսյանի հայցի քննության արդյունքում կայացրած վճիռը:
Հիշեցնենք՝ Հովհ. Մոսյանն ու նրա ներկայացուցիչ, ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը պահանջել էին վերացնել զորակոչիկին 10 ամսով տարկետում տրամադրելու ԿԲՀ որոշումը և կիրառել ՀՀ պաշտպանության նախարարի 2013 թվականի ապրիլի 8-ի թիվ 410-Ն հրամանի այլ՝ 3 տարով տարկետում նախատեսող դրույթ՝ հաշվի առնելով նրա ունեցած առողջական խնդիրները:
Այսօր հրապարակված վճռով դատարանը բավարարեց հայցը:
10 ամսով տարկետում տրամադրելու՝ ՀՀ Կենտրոնական բժշկական հանձնաժողովի 2016 թվականի հունվարի 21-ի թիվ 37-58/9937 որոշումը կվերացվի:
Այլ մանրամասներ կներկայացնենք վճիռն ստանալուց հետո: