Լ.Պլատվոետ. Երեւանը, Բաքուն եւ Ստեփանակերտը չեն ցանկանում քաղաքականացնել անհայտ կորածների հարցը
00:00, September 23, 2006 | Հակամարտություններից տուժածների իրավունքներ18.09.2006 17:06 GMT+04:00
/PanARMENIAN.Net/
«Համոզված եմ, որ կողմերի համագործակցությունը անհայտ կորածների հարցի շուրջ կարող է օգտակար լինել բոլորի համար»,-սեպտեմբերի 18-ին Ստեփանակերտում լրագրողներին է հայտարարել է Եվրոպայի Խորհրդի Խորհրդարանական վեհաժողովի անհայտ կորածների գծով զեկուցող Լեո Պլատվոետը:
«Այն բոլոր մարդիկ, ում հետ ես հանդիպել եմ Երեւանում, Բաքվում եւ Ստեփանակերտում, ասում են, որ չեն ցանկանա քաղաքականացնել հարցը, եւ պատրաստակամություն են հայտնում համագործակցել միմյանց հետ, այդպիսով աջակցելով Կարմիր Խաչի կոմիտեին, որը մեխանիզմ է մշակել այնպիսի հարցեր լուծելու համար, ինչպես անհայտ կորածների եւ պատանդների ճակատագրի պարզում, հուղարկավորման վայրերի եւ մասունքների նույնացման հարցերը: Նման մեխանիզմը գործարկելու համար անհրաժեշտ է բոլոր կողմերի համագործակցությունը եւ հրաժարումը մարդասիրական հարցերի քաղաքականացումից»,-ասել է ԵԽԽՎ զեկուցողը, հաղորդում է «Ռեգնում» գործակալությունը: