ՀՀ Վճռաբեկ դատարանի կողմից նոր քննության ուղարկված՝ մանկահասակ Լիա Միսակյանի մահվան գործի քննությունը շարունակվում է
11:01, September 5, 2017 | Մամլո հաղորդագրություններ | Լիա Միսակյան
2017 թ. սեպտեմբերի 5-ին՝ ժամը 16:00-ին, Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում կշարունակվի 2013 թ. հունվարին Արաբկիր ԲԿ-ում մահացած 2 տարեկան, 3 ամսական Լիա Միսակյանի գործի քննությունը:
Լիա Միսակյանի իրավահաջորդի շահերը ներկայացնում է ՀՔԱ Վանաձորի գրասենյակի Երևանի ներկայացուցչության իրավաբան Տաթևիկ Սիրադեղյանը:
Նախորդ դատական նիստին պաշտպանական կողմը միջնորդեց դիմել Սահմանադրական դատարան՝ գործով կիրառման ենթակա նորմի սահմանադրականությունը որոշելու համար, սակայն դատարանը մերժեց միջնորդությունը:
Հիշեցնենք՝ ՀՀ Վճռաբեկ դատարանի կողմից տուժող կողմի բողոքի հիման վրա ստորադաս դատարանների դատական ակտերը բեկանելուց հետո գործը լրացուցիչ պատժի նշանակման մասով ուղարկվել էր ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան` նոր քննության: